ياشنىڭ چوڭىيىشىغا ئەگىشىپ ، بوغۇملارنىڭ سىلىقلاپ تۇرىدىغان سۇيۇقلۇقنىڭ ئازىيىشىدىن بوغۇملار قاتماللىشىدۇ شۇنىڭ بىلەن ياشانغانلاردا ئوخشىمىغان دەرىجىدە بوغۇم ئاغرىش پەيدا بولىدۇ
تېببىي ئىلىمدا بۇ ياشانغان دەۋىردىكى بوغۇم ياللۇغى دەپ ئاتىلىدۇ . بۇ كېسەل ياشانغانلاردا ، بولۇپمۇ سېمىز ئاياللاردا كۆپ بولىدۇ . كۆپىنچە بېسىم ئەڭ ئېغىر چۈشىدىغان ، ئەڭ كۆپ ھەرىكەتلىنىپ تۇرىدىغان بوغۇملاردا بولىدۇ . مەسىلەن : تېز بوغۇمى ، يانپاش بوغۇمى ، ئومۇرتقا ۋە قول بوغۇمى قاتارلىق ئورۇنلاردا كۆپ بولىدۇ .
بۇ خىل بوغۇم ياللۇغى باشلانغاندا ، بوغۇملار يېنىك دەرىجىدە ئاغرىيدۇ . بوغۇملار قېتپ قالغاندەك ھېس قىلىدۇ . ئەمما ئازراق ھەرىكەتلەنگەندىن كېيىن ياخشىلىنىدۇ . بوغۇملارنى ھەرىكەتلەندۈرگەندە ئاۋاز چىقىدۇ . ھەرىكەتتىن توختاپ ئارام ئالغاندا ۋە ئىسسىق ئۆتكۈزگەندىن كېيىن ئاغرىقى پەسىيىدۇ . ھۆل يېغىن بولغاندا ھاۋا سوغۇق بولسا ۋە چارچىغاندا ئاغرىقى ئېغىرلىشىدۇ . ۋاقىت ئۇزارغانسىرى ئاغرىقى باشقا بوغۇملارغا تارقىلىدۇ . ياشنىڭ چوڭىيىشىغا ئەگىشىپ ، ئالامەتلىرى تەدرىجى ئېغىرلايدۇ . گەرچە كېيىنكى باسقۇچتا بوغۇملارنىڭ ھەرىكىتى چەكلىمىگە ئۇچرىسىمۇ ، بوغۇملار پۈتۈنلەي قېتىپ بولالمايدۇ ھەم پالەچمۇ بولمايدۇ . شۇڭا بۇ كېسەللىككە دىئاگنوز قويۇش سەل تەسرەك .
ياشانغانلاردىكى بوغۇم ئاغرىشنى داۋالاش ئۇسۇلى :
1. سېمىز ئادەملەر بەدەن ئېغىرلىقىنى چۈشۈرۈش كېرەك . بۇنداق قىلغاندا بوغۇملارغا چۈشىدىغان بېسىمنى كېمەيتكىلى بولىدۇ .
2. ئىسسىق ئۆتكۈزۈش كېرەك . گىرىلكا ياكى توكتا قاقلاپ ئىسسىق ئۆتكۈزۈش ، قۇرۇق يىڭنە سانجىتىش ، ئۇۋۇلاپ داۋالاش قاتارلىقلارنىڭ مەلۇم ئۈنۈمى بار .
3. ئەگەر ئاغرىق ئېغىرلاشسا ، ئاغرىق پەسەيتىش دورىسىنى يېيىش كېرەك . ئېغىرلىرىنى ئوپىراتسىيە قىلىپ داۋالاشقا توغرا كېلىدۇ . لېكىن ئۈزۈل – كېسىل ساقايتقىلى بولمايدۇ .
