دوختۇرلار تورى

تەن ساقلىق زور بايلىق

بەش ئەزادا پەيدا بولىدىغان ئەيدىز كېسەللىكى

ئەيدىز كېسەللىكى ئېرىشمە ئىممۇنىت كەمچىل بولۇشنىڭ يىغىندى ئالامىتى بولۇپ، ئىنسانىيەتنى ئۆلۈمگە ئېلىپ بارىدىغان يېڭى بىر خىل ۋىرۇسلۇق يۇقۇملۇق كېسەللىك

بۇ كېسەللىك ئوتتۇرا ئافرىقىدا بىرلەمچى خاراكتېرلىك پەيدا بولغان بولۇپ،1981-يىلىدىن باشلاپ نۇرغۇن دۆلەتلەرگە تارقالغان.1985-يىلى بىزنىڭ دۆلىتىمىزدە تۇنجى بايقالغان.يېقىنقى يىللاردا بارغانسېرى كۆپىيىشكە قاراپ يۈزلەندى.

ئەيدىز كېسىلى ئىنسانلاردىكى بىر خىل ئېرىشمە ئىممۇنىت كەمتۈكلۈك ۋىرۇسى كەلتۈرۈپ چىقارغان كېسەللىك بولۇپ،بۇ خىل ۋىرۇس ئاساسلىق بىمارنىڭ قېنى،ئىسپېرمىسى، سۈتى، شۆلگەي سۇيۇقلۇقى،ياش سۇيۇقلۇقى ياكى باشقا بەدەن سۇيۇقلۇقىدا بولۇپ،ستاتىستىكا قىلىنىشىچە يۇقىرى ئەيدىز كېسلى بولغان بېمارلارنىڭ 50 پىرسەنتتىن كۆپىرەكىدە بۇرۇن،يۇتقۇنچاق،كېكىردەك قىسىمىدا كېسەللىك ئۆزگىرىشى كۆرۈلگەن.

.1ئەيدىز كېسىلنىڭ قۇلاق قىسمىدىكى ئىپادىسى:سىرتقى قۇلاقتا كابۇس ساركومىسى كۆرۈلۈپ، بۇنىڭدا قىزىل سۆسۈن رەڭلىك داغ پارچىسى ياكى تۈگۈنچە ئىپادىلىنىدۇ.

كېسەلنى تەكشۈرگەندە ۋىرۇس بايقىلىدۇ.بۇنىڭىدن باشقا،ناغرا پەردىسى ئىچىگە يىغىلغان سۇيۇقلۇقتا، ئوتتۇرا قۇلاق يىرىڭلىق سۇيۇقلۇقىدا بۇ خىل ۋىرۇسنى بايقىغىلى بولىدۇ.

ئەگەر ۋىرۇس ئاڭلاش نېرۋىغا تەسىر قىلسا، دەسلەپكى ۋاقتىدا ئاۋاز سەزگۈ نېرۋا خاراكتېرلىك گاسىلىق كېلىپ چىقىدۇ.

.2ئېغىز بوشلۇقى ۋە يۇتقۇنچاق،كېكىردەك قىسمىنىڭ تەۋىسىمان باكتېرىيىدىن يۇقۇملىنىشى ئەڭ كۆپ كۆرۈلىدىغان كېسەللىك ئالامىتى ئىممۇنىت سىستېمىسى ئىنسانلاردىكى ئېرىشمە ئىممۇنىت كەمتۈكلۈك ۋىرۇسى تەرىپىدىن بۇزۇلۇپ،ئورگانىزىمنىڭ ئىممۇنىت ئىقتىدارى تۆۋەنلەيدۇ.شۇڭلاشقا،ئېغىز بوشلۇقى ۋە يۇتقۇنچاق،كېكىردەك قىسمىنىڭ زەمبۇرۇغىدىن يۇقۇملىنىشى جاھىل بولۇپ، يۇتقۇنچاق ۋە قىزىلئۆڭگەچ قىسىمدا كېسەللىك ئۆزگىرىشى يۈز بېرىپ،يۇتقاندا دەھشەتلىك ئاغرىيدۇ ۋە يۇتۇش قىينلىشىدۇ.

كابوس ساركومىسى كېكىردەكتە پەيدا بولۇپ، ئېغىز بوشلۇقىغا قاراپ ئۆسىدۇ،بۇ كېسەللىك ئۆزگىرىشى دېمى سىقىلش، ئاۋازى پۈتۈش ۋە كېكىردەك توسۇلۇش قاتارلىقلارنى كەلتۈرۈپ چىقىرىدۇ.

.3ۋىرۇستىن يۇقۇملانغانلىقتىن،بويۇن لىمفا تۈگۈنىنىڭ كەڭ دائىرىدە ئىششىپ يوغىنىشى قوشۇلۇپ كېلىدۇ.

كابوس ساركومىسى بويۇن قىسمىدىكى تېرىدە پەيدا بولىدۇ. لىمفا تۈگۈنىگە بۆسۈپ كىرگەندە لىمفا تۆگۈنىمۇ تېزلىكتە چوڭىيىدۇ.

ئەيدىز كېسىلى قۇلاق،بۇرۇن،يۇتقۇنچاق،كېكىردەك ۋە باش،بويۇن قىسمىدا پەيدا بولسا، ئادەم ھاياتىغا ئېغىر دەرىجىدە خەۋپ يەتكۈزىدۇ.دوكلاتلارغا ئاساسلانغاندا،ئەيدىز كېسىلى بولغان بىمارلاردا كابوس ساركومىسى پەيدا بولغاندىن كېيىن 18ئايدىن ئارتۇق ياشىيالمايدۇ.

بۇ كېسەلنىڭ يۇقۇملىنىش يوللىرى: ئاساسلىق جىنسي مۇناسىۋەت،قان ۋە ئانىدىن بالىغا تارقىلىش قاتارلىق ئۈچ خىل ئۇسۇلدا يۇقىدۇ. داۋالاشنىڭ ھازىرغىچە ئۈنۈملۈك ئۇسۇلى يوق ئەڭ ئاساسلىقى ئالدىنى ئېلىش خىزمەتلىرنى ياخشى ئىشلەش.

بەش ئەزا قىسمىدىكى ئەيدىز كېسلىنىڭ ئالدىنى ئېلىش،ئالدى بىلەن يۇقۇملىنىش مەنبەسىنى ئۈزۈپ تاشلاپ،ھەر بىر ئادەم ئۆزىنى پاكىز تۇتۇش،ئاممىۋى ئەخلاققا قەتئىي رىئايە قىلىپ، زەھەر چەكمەسلىك،ئەيدىز كېسىلى بىلەن يۇقۇملانغۇچىلارنىڭ ئىسپېرما سۇيۇقلۇقى،قان شۆلگەي سۇيۇقلۇقى،ياش سۇيۇقلۇقى ۋە جىنىسي يول ئاجراتمىلىرى بىلەن ئۇچرىشىشتىن ساقلىنىش، بىمار بىلەن چىش چوتكىسى،ساقال ئالغۇچىلارنى ئورتاق ئىشلەتمەسلىك، بىمار ئىشلەتكەن ئوكۇل يىڭنىسىنى ۋاقتىدا كۆيدۈرۈۋېتىش كېرەك. ئەڭ ئىلغار ئۇسۇل بىلەن ئەيدىز كېسىلىنڭ تارقىلىش يولىنى ئۈزۈپ تاشلاش كېرەك.

مەزكۈر مەزمون قوشۇلغان ۋاقىت: 2021-08-21

مەزكۈر مەزمون ئاخىرقى قېتىم يېڭىلانغان ۋاقىت: 2021-12-05 / 05:46:26

سەمىمىي ئەسكەرتىش
بىكەتتىكى مەزمۇنلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما دىئاگنوز ئاساسى بولالمايدۇ. ئوخشىمىغان بىماردا ئوخشىمىغان ئالامەتلەر كۆرۈلىدۇ ۋە دىئاگنوزى ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم مۇنتىزىم دوختۇر بىلەن يۈز تۇرانە مەسىلىھەت ئېلىشىڭىزنى، دوختۇرخانىدا تەكشۈرتۈشىڭىزنى تەۋسىيە قىلىمىز.

باشقا يەرلەردىن ئېلىنغان بەزى مەزمۇنلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمۇنلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسەرنىڭ ئەسلى ئاپتورى ماقالىنىڭ تور بېكىتىمىزدە ئېلان قىلىنغانلىقى ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.

تور بېكىتىمىزدىكى مەزمۇنلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقىنى ۋەيا بىز ئەسكەرتكەن مەزمۇننىڭ ئەسلى مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئەمگەك مېۋىسىگە ھۆرمەت قىلىڭ.

نۇر دوختۇر Doctor Nur
نۇر دوختۇر Doctor Nurhttp://dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,659FansLike
697FollowersFollow
1,860SubscribersSubscribe

يېڭى مەزمونلار

مەخسۇس سەھىپىلەر