دوختۇرلار تورى

تەن ساقلىق زور بايلىق

ۋىتامىن C كەملىك كېسىلىنىڭ بەزى ئالامەتلىرى

ۋىتامىن C كەم بولسا قان بۇزۇلۇش كېسىلىنى كەلتۈرۈپ چىقىرىدۇ. قان بۇزۇلۇش كېسىلى بوۋاقلاردا كۆپرەك كۆرۈلىدۇ. بوۋاقنىڭ پۇت–قولى ئىششىپ ئاغرىيدۇ، يەرلىك ئورۇننىڭ تېمپېراتۇرىسى ئۆرلەيدۇ، ئەمما قىزارمايدۇ، بۇ كېسەلنىڭ ئاخىرقى باسقۇچىدا يوتا تېشىغا، پاچاق ئىچىگە ئېگىلىپ، پاقىغا ئوخشاپ قالىدۇ، يۆتكىلىشنى خالىمايدۇ، ئاغرىيدىغان بولغاچقا، پۇتىغا باشقىلارنىڭ تېگىپ كېتىشىدىن قورقىدۇ، بىرەر ئادەمنىڭ كىرىپ كەلگەنلىكىنى كۆرسە قورقۇپ يىغلايدۇ، سۆڭەك پەردە ئاستى قانىغان بولغاچقا، پۇت ئىششىيدۇ، قوۋۇرغا ۋە كۆمۈرچەكنىڭ تۇتاشقان جايىدا ئۇستىخان بۇرتۇپ چىقىپ، قان بۇزۇلۇش كېسىلى شارچىسىنى شەكىللەندۈرىدۇ. چىش يىلتىزى، بۇرۇن، كۆز چانىقىنىڭ ئاستىدىن قان چىقىدۇ ۋە قان سىيىدۇ، پۇت–قولنى رېنتگېندە تەكشۈرگەندە ئىپادىلىنىدۇ. بۇ دىئاگنوز قويۇش ئەھمىيىتىگە ئىگە. ۋىتامىن C نى كۈنىگە 30–50 مىللىگرام ئىستېمال قىلسا نورمال بولىدۇ.

يېمەكلىكلەر تەركىبىدىكى ۋىتامىن C نىڭ يېتەرسىزلىكى قان بۇزۇلۇش كېسىلىنى كەلتۈرۈپ چىقىرىدۇ. مەملىكىتىمىزنىڭ شەرقىي شىمال رايونلىرى قىش پەسلى كۆكتات ۋە مېۋە ئاز، بولۇپمۇ چارۋىچىلىق رايونلىرىنىڭ قىش ئاخىرلىشىپ باھار باشلانغان ۋاقىتلىرىدا بالىلاردىكى ۋىتامىن C كەملىك ئومۇميۈزلۈك كۆرۈلىدۇ. بولۇپمۇ سۈنئىي ئۇسۇلدا باققان بالىلاردا ئېغىر بولىدۇ. ئانا سۈتى بىلەن باققان بالىدا ۋىتامىن C كەم بولمايدۇ.

چۈنكى ئانا يېڭى كۆكتات ۋە مېۋە يەيدۇ، 100 مىللىلېتىر ئانا سۈتىدە 4–7 مىللىگرام ۋىتامىن C بولۇپ، كالا سۈتىدىكى ۋىتامىن C نىڭ مىقدارى ئانا سۈتىنىڭ پەقەت 4/1 گە توغرا كېلىدۇ. كالا سۈتىنى ساقلاش، سۇيۇلدۇرۇش ۋە دېزىنفېكسىيە قىلىش قاتارلىق جەريانلاردا ۋىتامىن C ئاساسەن خوراپ تۈگەيدۇ.

شۇڭا، كالا سۈتى، قوي سۈتى، سۈت پاراشوكى قاتارلىقلار بىلەن باققان بالىغا ۋاقتىدا ۋىتامىن C تولۇقلاپ بەرمىسە ياكى مېۋە شەربىتى ۋە كۆكتات سۈيى بەرمىسە، قان بۇزۇلۇش كېسىلىگە ئاسانلا گىرىپتار بولۇپ قالىدۇ.

مەزكۈر مەزمون قوشۇلغان ۋاقىت: 2020-12-01

مەزكۈر مەزمون ئاخىرقى قېتىم يېڭىلانغان ۋاقىت: 2020-11-30 / 07:31:19

سەمىمىي ئەسكەرتىش
بىكەتتىكى مەزمۇنلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما دىئاگنوز ئاساسى بولالمايدۇ. ئوخشىمىغان بىماردا ئوخشىمىغان ئالامەتلەر كۆرۈلىدۇ ۋە دىئاگنوزى ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم مۇنتىزىم دوختۇر بىلەن يۈز تۇرانە مەسىلىھەت ئېلىشىڭىزنى، دوختۇرخانىدا تەكشۈرتۈشىڭىزنى تەۋسىيە قىلىمىز.

باشقا يەرلەردىن ئېلىنغان بەزى مەزمۇنلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمۇنلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسەرنىڭ ئەسلى ئاپتورى ماقالىنىڭ تور بېكىتىمىزدە ئېلان قىلىنغانلىقى ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.

تور بېكىتىمىزدىكى مەزمۇنلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقىنى ۋەيا بىز ئەسكەرتكەن مەزمۇننىڭ ئەسلى مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئەمگەك مېۋىسىگە ھۆرمەت قىلىڭ.

نۇر دوختۇر Doctor Nur
نۇر دوختۇر Doctor Nurhttp://dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,656FansLike
697FollowersFollow
1,860SubscribersSubscribe

يېڭى مەزمونلار

مەخسۇس سەھىپىلەر