تورداشدىن سوئال
ياخشىمۇسىز دوختۇر، ساغلىقنى ساقلاش پونكىتى (ساغلىق ئوچىغى) دىكى ئائىلە ھەكىمى دوختۇرۇم بىلەن قانداق قىلسام ياخشى پاراڭلىشالايمەن؟ ھەر قېتىم بەكلا ئاز سۆزلىشىمىز، يا ماڭا تەپسىلىيرەك چۈشەندۈرۈپ قويمايدۇ. تۈركىيەدىكى دوختۇرلارنىڭ ھەممىسى شۇنداقمۇ يە؟ بۇ توغرىلىق ئاز تولا چۈشەنچە بېرەلەمسىز؟
نۇرمەمەت دوختۇردىن جاۋاپ
ياخشىمۇسىز. سالامەت تۇرۇپسىز.
19-سوئال: ساقلىقنى ساقلاش مەركىزى (ساغلىق ئوجاغى) دىكى دوختۇرلار بىلەن قانداق پىكىر ئالماشتۇرۇش كېرەك؟
مەيلى تۈركىيەدىكى دوختۇر بولسۇن ۋەيا باشقى دۆلەتتىكى دوختۇرلار بىلەن پىكىر ئالماشتۇرۇش بولسۇن، مەنچە تۆۋەندىكى بىر قانچە ئۇسۇلنى بىلىش ۋە ئىشلىتىش كېرەك.
- تۈركچىنى بىلىش لازىم. ئۆزىنىڭ ئەھۋالىنى چۈشەندۈرەلەيدىغان بولۇش لازىم.
- ئەگەر بىمار تۈركچىسى ياخشى بولمىسا، تۈركچە ئۇقىدىغان بىرسىنى بىللە ئېلىپ بېرىش ۋەيا تۈركچە ئۇقىدىغان بىرسىگە تېلىفون قىلىپ تەرجىمە قىلدۇرۇش لازىم.
- ئەگەر تۈركچىسى ياخشى بولمىسا، بېرىشنىڭ ئالدىدا بەدەندىكى ئالامەتلەرنى، سورىماقچى بولغان سوئاللىرىنى ئالدىن تۈركچىگە تەرجىمە قىلىپ ئېلىۋېلىشى لازىم.
- دوختۇر دورا يېزىپ بەرگەندە، باشقا بۆلۈم، باشقا دوختۇرخانا، باشقا دوختۇر تەۋسىيە قىلغاندا ئامال بار قەغەزگە يازدۇرۇۋېلىش لازىم. چۈنكى بىمار ئىشىكتىن چىقىپ ئۇنتۇپ قېلىش مۇمكىن.
بۇ مەزمونلارنى مەن تۆۋەندىكى ۋىدىئودا تەپسىلىي چۈشەندۈردۈم. ۋاقتىڭىز چىقسا كۆرۈپ بېقىڭ.
سالامەت بولۇڭ.