پەن تېخنىكا گېزىتى خەۋىرى، دوختۇرلار تورى تەرجىمىسى:
«تىلغا قاراپ كېسەل كۆرۈش» ئەنئەنىۋىي تېبابەت دىئاگنوز قويۇش ئۇسۇللىرىنىڭ بىرى بولۇپ ، 2000 يىلدىن ئارتۇق تارىخقا ئىگە . ئەڭ يېڭى تەتقىقاتتا ، تىلغا قاراپ كېسەل كۆرۈش ئۇسۇلى سۈنىي ئەقلىي ئىقتىدار ( AI ) تېخنىكىسىنىڭ قوللىشىغا ئېرىشتى. ئېراق ۋە ئاۋسترالىيە تەتقىقاتچىلىرى بىر خىل يېڭى تىپتىكى تەسۋىر ھاسىل قىلىش سىستېمىسىنى مۇۋەپپەقىيەتلىك تەتقىق قىلىپ چىقتى. ئۇلار AI ھېسابلاش ئۇسۇلى بىمارلارنىڭ تىلىنىڭ رەڭگىنى ئانالىز قىلىپ، گىرىپتار بولغان كېسەلنى ئالدىن مۆلچەرلىيەلەيدىكەن، ۋە بۇ خىل مۆلچەرنىڭ توغرىلىق نىسبىتى %98 كە يېتىدىكەن. ئالاقىدار ئىلمىي ماقالە «تېخنىكا» ژۇرنىلىنىڭ يېڭى بىر سانىدا ئېلان قىلىندى.
تەتقىقاتچىلار 5260 پارچە سۈرەتنى يىغىپ رەتلەپ چىققان، ئاندىن AI ماشىنا ئادەمگە بۇ رەسىملەرنىڭ ئۇچۇرلىرىنى كىرگۈزۈپ ، ئادەم تىلىنىڭ رەڭگىنى ئانالىز قىلىشنى ئۆگەتكەن. سىناق نەتىجىسىدىن مەلۇم بولۇشىچە، بۇ ھېسابلاش ئۇسۇلى ئوخشاش بولمىغان كېسەلگە گىرىپتار بولغان 60 پارچە بىمارنىڭ تىلىنىڭ سۈرىتى بىلەن گىرىپتار بولغان كېسەلنى بىر بىرى بىلەن ئۇلىيالىغان. بۇ AI سىستېمىسى ئارقىلىق پەرقلەندۈرەلەيدىغان كېسەللىكلەر قەنت كېسىلى، سەكتە، قان ئازلىق، زىققا، جىگەر ۋە ئۆت كېسىلى، يېڭى تىپتىكى تاجسىمان ۋىرۇسلۇق ئۆپكە ياللۇغى، شۇنداقلا بىر قاتار قان تومۇر ۋە ئاشقازان ئۈچەي يولى كېسەللىكلىرىنى ئۆز ئىچىگە ئالىدىكەن.
ئادەم تىلىنىڭ رەڭگى، شەكلى ۋە قېلىنلىقى بىر قاتار بەدەننىڭ ساغلاملىق ۋەيا كېسەللىك ئەھۋالىنى كۆرسىتىپ بېرەلەيدۇ. ئادەتتە، دىيابېت كېسىلى بىمارلىرىنىڭ تىلى سېرىق رەڭدە بولىدۇ؛ راك كېسىلى بىمارلىرىنىڭ تىلى سۆسۈن رەڭدە، يەنە قېلىن ماي بولىدۇ؛ جىددىي خاراكتېرلىك سەكتە بىمارلىرىنىڭ تىلى بولسا بىنورمال شەكىلدىكى قىزىل رەڭدە بولىدۇ. بۇنىڭدىن باشقا، قان ئازلىق بىمارلىرىنىڭ تىلى ئاق رەڭدە بولىدۇ؛ يېڭى تىپتىكى تاجسىمان ۋىرۇسلۇق ئۆپكە ياللۇغى ئېغىر بىمارلىرىنىڭ تىلى قېنىق قىزىل رەڭدە بولۇشى مۇمكىن؛ قان تومۇر ۋە ئاشقازان ـ ئۈچەي يولى مەسىلىسى ياكى زىققا كېسىلى بىمارلىرىنىڭ تىلى كۆك ياكى سۆسۈن رەڭدە بولىدۇ.
مەنبە:
news-medical.net
Hassoon, A.R.; Al-Naji, A.; Khalid, G.A.; Chahl, J. (2024) Tongue Disease Prediction Based on Machine Learning Algorithms. Technologies 2024, 12, 97. doi: https://doi.org/ 10.3390/technologies12070097. https://www.mdpi.com/2227-7080/12/7/97
