زەھەر ھازىرقى زامان جەمئىيىتىدىكى بىر چوڭ ئىجتىمائىي ئاپەت مۇناسىۋەتلىك ماتېرىياللاردا كۆرسىتىلىشىچە ، زەھەر چەككۈچىلەر ئىچىدىكى%80تىن ئارتۇقراقى ياشلار ئىكەن
ئالىي مەكتەپ ئوقۇغۇچىلىرى ئارسىدىمۇ زەھەر چىكىدىغانلار پەيدا بولدى ھەمدە كۈندىن – كۈنگە كۆپەيمەكتە ، كېشىنى چۆچىتىدىغان بۇنداق ئىجتىمائىي ھادىسە بىزنى ئويلاندۇرماي قالمايدۇ . ،بۇ ، مەكتەپ ۋە ھەر بىر ئالىي مەكتەپ ئوقۇغۇچىسىنىڭ دىققىتىنى قوزغايدىغان بىر ئىش بولۇپ قالدى .
ئالىي مەكتەپ دەۋرى بولسا ئۈسۈپ يېتىلىش دەۋرىدىكى ئاچقۇچلۇق مەزگىل .تۇرمۇشقا بولغان قىزغىنلىق ۋە تەلپۈنۈش ، رەڭگارەڭ ۋە گۈزەل ھاياتقا بولغان ئىنتىلىش تولۇپ تاشىدىغان مەزگىل . بۇ ئاچقۇچلۇق مەزگىلدە ئەگەر بىرەر تال تاماكا چېكىپ قالسىلا ئېچىنىشلىق ھاياتنىڭ باشلانغىنى شۇ . پاجىئەلىك تەقدىرنىڭ يۈز بېرىشىدىن ساقلىنىش ئۈچۈن چوقۇم زەھەرنى چەكلەيدىغان پىسخىلوگىيىلىك مۇداپىئە لىنىيىسىنى قۇرۇش لازىم .
تۆۋەندىكى بىر نەچچە ئىشنى ياخشى قىلغاندىلا ، ئاندىن زەھەرنى ئۈنۈملۈك توسىغىلى بولىدۇ :
1.زەھەر ھەققىدىكى ئاساسىي بىلىملەر ۋە زەھەر چەكلەش قانۇن نىزاملىرى تەربىيىسىنى قوبۇل قىلىپ ، زەھەرنىڭ زىيىنىنى تولۇق چۈشۈنۈپ يېتىش لازىم؛
2.توغرا بولغان كىشىلىك تۇرمۇش قارىشىنى تۇرغۇزۇپ ، قارىغۇلارچە پايدا –مەنپەئەت ۋە مودا قوغلاشماسلىق لازىم؛
3.زەھەر كېسەل داۋالايدۇ ، ھېرىپ –چارچاشتىن ۋە ئازابتىن قۇتۇلدۇرىدۇ ، كىشىگە خۇشاللىق ۋە ھۇزۇر ئېلىپ كېلىدۇ دېگەندەك سەپسەتىلەرگە ئىشەنمەسلىك كېرەك؛
4.زەھەر چىكىدىغانلار ۋە زەھەر ئەتكەسچىلىرى بىلەن ئالاقە قىلماسلىق ، ئەگەر دوستلىرى ئىچىدە زەھەر چىكىدىغانلار ۋە زەھەر ئەتكەسچىلىرى بولسا ، چوقۇم نەسىھەت قىلىپ توسۇش ، ئۇلاردىن يىراق تۇرۇش ، جامائەت خەۋپسىزلىك ئورۇنلىرىغا مەلۇم قىلىش لازىم؛
5. تانسىخانىلاغا كىرگەندە ، باش گىلدىڭلاتقۇ ، Kپاراشوكى قاتارلىق ھاياجانلاندۇرۇش تابلىتكىلىرىنى قەتئىي ئىستىمال قىلماسلىق لازىم؛
6.ئۆزى بىلمىگەن ئەھۋال ئاستىدا ، قىزىقىپلا بىر قېتىم چەككەن بولسا ، ئۆزىنىڭ ھاياتىنى قەدىرلەپ ،ئىككىنچى قېتىم چەكمەسلىك ، ئۈچۈنچى قېتىم تېخىمۇ چەكمەسلىك لازىم ؛
ياش دوستلار ، ھايات ئۆزىمىزگە مەنسۇپ ، ئۆزىمىزگە تەئەللۇق بولغان ھاياتنى قەدىرلەپ ، زەھەردىن يىراق تۇرايلى !
