نۇرمەمەت دوختۇر

ئانا سۈتى يېتىشمىسە ياكى ھەرخىل سەۋەپلەردىن ئانا سۈتى بىلەن بېقىش ئىمكانىيىتى بولمىغان ئەھۋال ئاستىدا، ھايۋان سۈتى ياكى باشقا سۈتنىڭ ئورنىنى باسقۇچى سۈت بويۇملىرى بىلەن ئوزۇقلاندۇرۇش--- سۈنئىي ئوزۇقلاندۇرۇش دەپ ئاتىلىدۇ. ئادەم سۈتى بىلەن 4-6 ئاي بېقىشنى قولغا كەلتۈرگەندىن كېيىن ئاندىن سۈنئىي ئوزۇقلاندۇرۇشقا ئۆزگەرتىش لازىم.

سۈت يېتەرلىك بولغاندا ، بوۋاق تويغاندىن كېيىن دائىم ئەمچەك تۈگمىسىنى چىقىرىۋېتىپ تېنچ ئۇيقىغا كىرىدۇ ياكى ھوزۇرلىنىپ ئوينايدۇ. ئېمىپ بولغاندىن كېيىن بالىنى يۆگەپ كۆتۈرۈپ مۈرىسىگە يەڭگىل ئۇرۇپ قويسا، يۇتۇۋالغان ھاۋا چىقىپ كېتىپ، قۇسۇۋېتىشنىڭ ئالدى ئېلىنىدۇ.

ئانا سۈتى ۋە كالا سۈتىنىڭ ئوزۇقلۇق جەھەتتىكى پەرقلىرى، ئارتۇقچىلىقلىرى ھەققىدە بەزى ئۇچۇرلارنى ھەمبەھىرلىنىمىز.

بوۋاقلىق مەزگىلىدە ئوزۇقلاندۇرۇش، پۈتكۈل بالىلىق دەۋرىدىكى ئوزۇقلاندۇرۇش ئىچىدە، نىسبەتەن مۇھىم بولغان باسقۇچ بولۇپ، ھەرخىل ئوزۇقلۇق ماددىلىرى بىلەن ئەتراپلىق تەمىنلەنگەندىن باشقا ماددا ئالمىشىش، ھەزىم قىلىش خىزمىتى ۋە فىزىئولوگىيە-ئاناتومىيىلىك ئالاھىدىلىكلەرنى ئېتىبارغا ئېلىش لازىم. ئۆز ئورنىدا ياساپ، ئۆز ئورنىدىن ماتېرىيال ئېلىپ يېمەكلىكنىڭ تازىلىقىغا دىققەت قىلىش لازىم.

يېشى قانچىكى كىچىك بولسا، ئۆسۈپ يېتىلىشى شۇنچە تېز بولىدۇ. ئوزۇقلۇققا بولغان تەلىپى شۇنچە يۇقىرى بولىدۇ. لېكىن ھەزىم قىلىش خىزمىتى مۇكەممەل بولمىغاچقا مۇۋاپىق بېقىلمىسا ئوڭايلا ئىچى سۈرۈش ۋە ئوزۇقلىنىشنىڭ ناچارلىشىشى يۈز بېرىدۇ.

ئوزۇقلاندۇرۇش بالىلار كېسەللىك ئىلمىنىڭ ناھايىتى مۇھىم بىر قىسمىدىن ئىبارەت بولۇپ، شۇنداقلا بالىلارنىڭ ساقلىقىنى ساقلاشتىكى ئاساسلىق ھالقىدۇر. توغرا بېقىش يالغۇزلا بالىنىڭ سالامەت ئۆسۈشىگە كاپالەتلىك قىلىپلا قالماستىن بەلكى ھەر خىل يۇقۇملىنىش خاراكتىرلىك كېسەللەرگە بولغان قارشىلىق كۈچىنى كۈچەيتىدۇ.