كۈز ، قىش پەسىللىرىدە ئاپتاپتىن ساقلانماسلىق
نۇرغۇن ئادەملەر ‹‹ پەقەت يازدىلا ئاپتاپنىڭ كۆيدۈرۈشىدىن ساقلانسا بولىدۇ ، چۈنكى كۈز ، قىش پەسىللىرىدە ئىنفرا بىنەپشە نۇرى ئانچە كۈچلۈك ئەمەس›› ، دەپ قارايدۇ . ئەمەلىيەتتە بۇ خاتا قاراش . ئىككىلەمچى ساغلاملىق ھالىتىدە تۇرىۋاتقان سەزگۈز تېرە قىسقا ۋاقىتتىكى كۈن نۇرىدا قاقلىنىشقىمۇ بەرداشلىق بېرەلمەي ، ئىنچىكە قىلدام تومۇرلار كېڭىيىپ يېرىلىدۇ .
ئىلمان سۇدا يۈز يۇيۇش
سەزگۈز ياكى نېپىز تېرىلەر ھەددىدىن ئىسسىق تېمپېراتۇرىنىڭ ئىنچىكە قىلدان قان تومۇرلارغا قان تولدۇرۇپقويۇشىدىن قورقىدۇ ، شۇڭا يۈز تېرىسى سەزگۈر ئاياللار قىش–يازنىڭ ھەممىسىدە سوغۇق سۇ بىلەن ، ھېچبولمىغاندا نورمال تېمپېراتۇرىلىق سۇدا يۈزىنى يۇيغان ياخشى .
تېرىنىڭ مۈڭگۈز قەۋىتىنى چىقىرىۋېتىش
ھاۋا قۇرغاق كۈنلەردە ئەگەر سىزنىڭ يۈز تېرىڭىز قۇرغاقلىشىپ تېرە تاشلىسا ، ھەرگىزمۇ يىرىك ماددىلىق مۈڭگۈز قەۋىتىنى تازىلاش ئۇسۇلى بىلەن يۈز تېرىڭىزنىڭ ئۆلۈك تېرىسىنى تازىلىماي ، ئەڭ ياخشىسى تېزدىن يۈزىڭىزگە سۇ تولۇقلاپ بېرىڭ .
رېئاكسىيە قىلىشتىن ئەنسىرەپ ھېچنىمە ئىشلەتمەسلىك
ئاياللارنىڭ ئىشلەتكەن مەھسۇلاتىنىڭ يۈز تېرىسىگە رېئاكسىيە قىلىشىدىن ئەنسىرەپ ، ھېچقانداق نەرسە سۈرتمەسلىكى تېرىگە نىسبەتەن تېخىمۇ خەتەرلىك بولىدۇ ، ھېچبولمىغاندا كۈندە ئەتىگەن–كەچتە يۈز تېرىڭىزگە كۆپ مىقداردا سۇ تولۇقلىشىڭىز كېرەك .
يۇيۇنغاندا تېرىنى ياخشىلىغىلى بولىدۇ
يۈز تېرىسى ئىككىلەمچى ساغلاملىق ھالىتىدە تۇرغانلار ، بولۇپمۇ يۈز تېرىسى نېپىزلەر يۇيۇنۇش ۋاقتىنى ئازايتىش كېرەك ، بولمىسا ۋاقىت ئۇزارغانسېرى سۇنىڭ تېمېپراتۇرىسى يۇقىرىلاپ ، تېرىدىكى تەبئىي ماي قەۋىتىننىڭ تەبئىي قوغداش ئىقتىدارىنى يوقىتىپ قويىدۇ ، شۇڭا ھەر قېتىم 10 مىنۇت ئەتراپىدا يۇيۇنسا كۇپايە .
پەردازخانىغا كۆپ بېرىش
بەزى پەردازخانىنىڭ بىر قېتىملىق نامۇۋاپىقتېرە ئاسرىشى سىزنى گۈزەل قىلالمايلا قالماستىن . بەلكى تېرىڭىزنىڭ ئەسلى ھالىتىنى تېخىمۇ ناچارلاشتۇرىۋېتىدۇ . ئەگەر بارغان تەقدىردىمۇ ، پەردازخانىنىڭ سىزنىڭ يۈزىڭىزگە ئىشلىتىدىغان پەرداز بۇيۇمىنىڭ سىزنىڭ تېرىڭىزگە مۇۋاپىق كېلىدىغان –كەلمەيدىغانلىقىنى تەكشۈرۈشنى ئۇنۇتماڭ ، شۇنداقلا تېرە ئاقارتىشقا ، يۈز ھورداشقا ، يىرىك ماددىلىق مۈڭگۈز قەۋىتىنى تازىلاش مەھسۇلاتى ئىشلىتىشكە ۋە ئۇزۇن ۋاقىت يۈز تېرىسىنى ئۇۋۇلاشقا قارشى تۇرۇڭ .
تېرە ئاسراش مەھسۇلاتى ئىشلەتكەندە يۈزگە يېنىك شاپىلاقلىغاندا تېرىنىڭ سۈمۈرۈلۈشىنى تېزلەتكى بولىدۇ ، دەپ قاراش
سەزگۈرلۈك ئالامىتى كۆرۈلگەن ئىككىلەمچى ساغلاملىق ھالىتىدە تۇرغان تېرىلەر ئىنتايىن ئاجىز كېلىدۇ ، شۇڭا ھەرگىزمۇ كۈچەپ يۇمىلاق چەمبىرەك شەكلىدە بېسىشقا ۋە يېنىك شاپىلاقداپ ئۇرۇشقا بەرداشلىق بېرەلمەيدۇ ، بۇنداق بولغاندا تېرە تېخىمۇ ئوڭايلا غىدىقلىنىپ كېتىدۇ . شۇڭا بۇنداق تېرىلەرنى يېنىك ئۇۋۇلاپ بەرسە ياكى يېنىك بېسىپ بەرسە كۇپايە قىلىدۇ .
