بوۋاق ۋە بالىلارنىڭ قېنىدا ئوكسىگېن يېتىشمەسلىك ئەھۋالى كۆرۈلگەندە قان سېلىشقا توغرا كەلسە ، ئىمكانبار يېڭى قان سېلىش كېرەك
بوۋاق ۋە بالىلارنىڭ قان ئايلىنىش سىستېمىسى تولۇق يېتىلىپ بولالمىغان بولغاچقا ، ئومۇمىي قان سىغىمى كىچىك بولىدۇ ھەم قان سالغان ۋاقىتتا ئايلىنىش يۈكى ئېشىپ كېتىدىغان ئەھۋاللار ئاسان يۈز بېرىدۇ . شۇڭا تەركىبلىك قان بالىلار ئۈچۈن ئىنتايىن مۇھىم . شۇنىڭ ئۈچۈن قان سېلىشتا ‹‹ نىمە كەم بولسا شۇنى تولۇقلاش›› پىرىنسىپىغا ئەمەل قىلىش كېرەك .
نورمال ئەھۋالدا قان سېلىش سۈرئىتى مىنۇتىغا 0.5 مىللىلېتىردىن 1.5 مىللىلېتىرغىچە ئارلىقىدا بولسا مۇۋاپىق . ئوزۇقلۇق يېتىشمەسلىك ئەھۋالى ئېغىر ، يەنە كېلىپ ، يۈرەك ، ئۆپكە ئىقتىدارى مۇكەممەل بولمىغان بوۋاقلار بىلەن بالىلارغا قان سېلىشتا قان سېلىش سۈرئىتى مىنۇتىغا 0.25مىللىلېتىردىن 0.5 مىللىلېتىرغىچە ئارلىقىدا بولۇش كېرەك .
يېڭى تۇغۇلغان بوۋاقلارنىڭ ئىممۇنىزاتسىيە سىستېمىسى يېتىلىش باسقۇچىدا تۇرىۋاتقان بولغاچقا ، يۇقۇملىنىشنىڭ ئالدىنى ئېلىشقا ئالاھىدە ئەھمىيەت بېرىش كېرەك . بۇ جەھەتتە ئاق قان ھۈجەيرىسىنى سۈزۈشكە ئىشلىتىلىدىغان سۈزگۈچ ئىشلىتىش ياكى قان ياسالمىلىرىنى رادىئوئاكتىپلىق نۇر بىلەن رادىئاتسىيىلەش قاتارلىق تەدبىرلەرنى قوللىنىش تەشەببۇس قىلىنىدۇ .
ئادەتتە ، يېڭى تۇغۇلغان بوۋاق ۋە يېتىلىۋاتقان بالىلارنىڭ بەدەن تېمپىراتۇرىسىنى تەڭشەش ئىقتىدارى تۆۋەنرەك بولىدۇ . شۇڭا ، قان سالغاندا قاننى ئىسىق تۇتۇش كېرەك . ئەگەر بوۋاق ۋە بالىلارغا قاننى كۆپ مىقداردا ، تېز سۈرئەتتە سېلىشقا توغرا كەلسە ، قاننى ئالدىنئالا سېتىۋېلىش ۋە قاننىڭ تېمپېراتۇرىسى ℃32 دىن ئېشىپ كەتمەسلىك لازىم .
