شىنخۇا تورى خەۋىرى ، «جىياڭنەن كۈندىلىك گېزىتى «نىڭ خەۋىرىدە مۇنۇلار دېيىلگەن ، پاشىنىڭ چېقىشىدىن ھەر خىل كېسەللىكلەر كېلىپ چىقىدىكەن ، شۇڭلاشقا كۆپلىگەن كىشىلەر پاشىنىڭ چېقىشى ئەيدىز كېسىلىنىڭ ئۆز ئارا يۇقۇشىنى كەلتۈرۈپ چىقىرىش چىقارماسلىقتىن ناھايىتى ئەنسرىدەيغانلىقى تىلغا ئېلىنغان.
لېكىن مەملىكەت جىنسىي كېسەللىك ، ماخاۋ كېسىلى كونتىرول قىلىش مەركىزى قوشۇمچە مەسئۇل مۇدىر جاڭ گوچىڭ پىراففىسور بۇ سوئالغا ئېنىق جاۋاب بەردى ، پاشا چېقىش ئارقىلىق ئەيدىز كېسىلى تارقىلالمايدۇ .
جاڭ گوچىڭ پىراففىسورنىڭ تونۇشتۇرىشىچە ، تەتقىقاتقا ئاساسلانغاندا ، ئەيدىز كېسىلى ۋىرۇسى پاشىنىڭ تېنى ئىچىدە كۆپىيەلمەيدۇ ھەم يېتىلەلمەيدۇ ، شۇڭلاشقا بىئولوگىيىلىك ئاارقىلىش ئارقىلىق تارقىلالمايدۇ .
مىخانىك تارقىلىش ئۇسۇلىمۇ پاشىنىڭ بەدىنىدە ئېلىپ بېرىلالمايدۇ . بۇنىڭ سەۋەبى ، پاشا قان شۈمۈرۈشنىڭ ئالدىدا ، ئاۋۋال شۆلگەي نەيچىسىدىن شۆلگەي سۇيۇقلۇقىنى چىقىرىدۇ ، بۇ سۇيۇقلۇق سىلىقلاشتۇرۇش رولىغا ئېگە بولۇپ ، قان شۈمۈرۈشكە ئوڭايلىق يارىتىپ بېرىدۇ . ئاندىن قىزىلئۆڭگەچ نەيچىسى ئارقىلىق قان شۈمۈرىدۇ ، قان سۈمۈرۈلگەندىن كېيىن قايتا يېنىپ چىقمايدۇ .
يەنە بىرسى پاشىنىڭ ئاغزى ئەتراپىدا قېلىپ قالغان قالدۇق قان مىقدارى ئاران0.00004مىللىگىرام بولغاچقا ، قايتا قايتا 2800 قېتىم چاققاندىن كېيىن ئاندىن HIV ۋىرۇسىغا يۇقۇملىنىدۇ ، يەنە كېلىپ ، پاشا ئەيدىز ۋىرۇسى بار قاننى شۈمۈرۋالغان تەغدىردىمۇ ، ئەيدىز ۋىرۇسى 2~3 كۈن ئىچىدىلا ، پاشىنىڭ ئاشقازىنىدا ھەزىم بولۇپ پۈتۈنلەي يوقاپ كېتىدۇ . پاشىلارنىڭ فىزىئولوگىيىلىك ئىقتىدارىغا قارغاندا ، پاشا بىر تويۇنۇپ قان شورىۋالغاندىن كېىين ، پەقەت پۈتۈنلەي ھەزىم قىلىپ بولغاندىن كېىين ئاندىن قايتا قان شورايدىغانلىقى ئۈچۈن ، ئەيدىز ۋىرۇسىنى تارقاتماق ناھايىتى تەس .
نۆۋەتتە، دۇنيا مىقياسىدا ، بىرەر قېتىممۇ پاشا ياكى باشقا ھاشارەتلەرنىڭ چېقىشى تەرىپىدىن ئەيدىز كېسىلگە گىرىپتار بولغان كېسەل ئەھۋالى كۆرۈلۈپ باقمىدى
