رېتسېپ : پەربۇن ، زورۇمبات ، قۇستە ، پىشقان ئاپېلىسىن پوستى ، قالقانگۈلنىڭ ھەربىرىدىن 12 گرام ، خام شاتارى ، تاغ دېنى يىلتىزىنىڭ ھەربىرىدىن 10 گرام ، مامكاپدىن 120 گرام ، ئازادى دەرىخى ئۇرۇقىدىن 9 گرامنى كۈندە بىر قېتىمدىن قاينىتىپ ئىچىپ بېرىلىدۇ .
تەسىرى : سوزۇلما ئۆت ياللۇغىغا پايدا قىلىدۇ .
رېتسېپ : قىل يوپۇرماقلىق ئەمەندىن 50 گرام ، تىللا ئوتدىن 30 گرام ، لىگودىيومدىن 30 گرام ، رەۋەندىن 10 گرامنى قاينىتىپ ، كۈندە 2 ~ 3 كە بۆلۈپ ئىچىپ بېرىلىدۇ .
رېتسېپ : قوناق ساقىلىدىن 60 گرام ، قىل يوپۇرماقلىق ئەمەندىن 30 گرام ، شاتارىدىن 15 گرام ، زورۇمباتدىن 15 گرامنى قاينىتىپ ، كۈندە 2 ~ 3 كە بۆلۈپ ئىچىپ بەرسە ، ئۆت ياللۇغىغا شىپا بولۇشتىن باشقا يەنە ئۆت تېشى ، دېئابېت ، سېرىقلىق چۈشۈش تىپىدىكى جىگەر ياللۇغىغا ئۈنۈم بېرىدۇ . قان مېيىنى ، خولسترولنى ۋە قان شېكىرىنى تۆۋەنلىتىدۇ .
رېتسېپ : پەربۇندىن 15 گرام ، قالقانگۈلدىن 10 گرام ، گۈلسامساقدىن 15 گرام ، چۆل يالپۇزىدىن 15 گرام ، لىندىرادىن 13 گرام ، ئازادى دەرىخى ئۇرۇقىدىن 10 گرام ، زورۇمباتدىن 15 گرام ، تىللا ئوتدىن 30 گرام ، ئېلىپ كۈندە بىر بولاقتىن قاينىتىپ ، ئىككىگە بۆلۈپ ئىچىپ بېرىلىدۇ .
ئۆت ياللۇغى بىمارلىرى دىققەت قىلىدىغان ئىشلار
1. تۇرۇپ ، شوخلا ، تەرخەمەك ، كاۋا ۋە يېڭى مېۋىلەرنى كۆپرەك يەپ بېرىش كېرەك .
2. مايلىق يېمەكلىكلەرنى ۋە خولېسترېن مىقدارى يۇقىرى يېمەكلىكلەرنى كۆپ يېمەسلىك ، ئوڭاي ھەزىم بولىدىغان غىزالارنى يەپ بېرىش كېرەك .
3. غىدىقلىغۇچى يېمەكلىكلەر ۋە تەبىئىتى كۈچلۈك خۇرۇچلاردىن پەرھىز تۇتۇش كېرەك .
