تۆۋەندىكى قان ئازلىققا پايدىلىق قىلىدىغان شىپالىق رىتسىپلارنى بىلىۋېلىڭ
رېتسېپ : ئادەمگىياھدىن 10 ~ 15 گرام ، بايناقدىن 15 گرام ، كىرەشتىن 10 گرام ، كۆپ گۈللۈك قامچىئوت ، ئېيپىمىدىيۇم ئوتى ، سېرىق يۆگەي ، ئالقات ، بۇرجۇننىڭ ھەربىرىدىن 20 گرام ، دارچىندىن 3 ~ 6 گرام ، قىزىل چوغلۇقدىن 30 گرام تەييارلىنىدۇ .
ئىشلىتىش ئۇسۇلى : ئادەمگىياھ ئايرىم قاينىتىلىپ قوشۇلىدۇ . باشقا دورىلارنى 900 مىللىلىتىر سۇغا ئىككى سائەت چىلىغاندىن كېيىن ، ئوتتۇراھال ئوتتا 40 مىنۇت قاينىتىلىدۇ . ئىككىنچى قېتىم 700 مىللىلىتىر سۇدا 30 مىنۇت قاينىتىلىدۇ . ئىككى قېتىملىق دورا سۈيىنى بىرلەشتۈرۈپ ، ئاندىن ئەتىگەن ۋە كەچتە ئىچىپ بېرىلىدۇ .
تەسىرى : قان ئىشلەش ئىقتىدارى توسقۇنلۇققا ئۇچراشتىن بولغان قان ئازلىق ، ئاق قان ھۈجەيرىلىرى ئازلاپ كېتىشكە شىپا بولىدۇ .
رېتسېپ : قوي جىگىرىدىن 50 ~ 100 گرام ، پالەكتىن 150 ~ 200 گرامنى توغراپ ، قاينىغان سۇغا سېلىپ ، تۇز قوشۇپ قاينىتىپ ، پىشقاندا جىگەر بىلەن پالەكنى يەپ ، شورپىسى ئىچىپ بېرىلىدۇ . يەنە تۇخۇم قوشۇلسىمۇ بولىدۇ .
تەسىرى : تۈرلۈك سەۋەبلەردىن بولغان قان ئازلىققا مۇۋاپىق كېلىدۇ . تۆمۈر ماددىسى كەملىكتىن بولغان قان ئازلىققا قارىتا ئۈنۈمى تېخىمۇ ياخشى بولىدۇ .
رېتسېپ : كەتىرادىن 30 گرام ، كىرەشتىن 9 گرام ، چوڭ چىلاندىن 10 دانىنى قاينىتىپ كۈندە ئىككىگە بۆلۈپ ئىچىپ بېرىلىدۇ .
تەسىرى : قان ئازلىقنى داۋالاش ئۈنۈمى بىر قەدەر ياخشى .
رېتسېپ : ئالقاتتىن 30 گرامنى 2 دانە تۇخۇم بىلەن بىرگە قاينىتىپ ، تۇخۇم پىشقاندا ئېلىپ شاكىلىنى سويۇۋېتىپ ، يەنە 15 مىنۇت قاينىتىپ ، تۇخۇمنى يەپ سۈيىنى ئىچىپ بەرسە بولىدۇ .
تەسىرى : قان ۋە قۇۋۋەت تولۇقلايدۇ . نېرۋا ئاجىزلىق ، قان ئازلىق ، جىگەر ياللۇغى ، كۆرۈش كۈچى ئاجىزلاش قاتارلىق كېسەللىكلەرگە داۋا بولىدۇ .
رېتسېپ : مىخۇادوۋدىن 90 گرام ، چىلاندىن 10 دانىنى قاينىتىپ ئۇدا بىر مەزگىلگىچە ئىچىپ بەرسە ئالاھىدە ئۈنۈم بېرىدۇ .
رېتسېپ : چىلاندىن 10 دانە ، غاز ئوتتىن 90 گرامنى قاينىتىپ ، ئىككىگە بۆلۈپ ئىچىپ بېرىلىدۇ .
