بېلىق جىگىرى مېيى بولسا، بېلىقنىڭ جىگىرىدىن ئېلىنغان بولۇپ سېسىق پۇرايدۇ. بوۋاقلارغا تېمىتمىسىنى ئىشلىتىش، بالىلار، چوڭراق بالىلارغا كومىلاچنى ئىشلىتىش كېرەك، ئۇنىڭ ئاساسلىق تەركىبى بولسا ۋىتامىن Ａ،Ｄ. ۋىتامىن Ａ مۈڭگۈز پەردە يۇمشاقلىشىش ۋە نامازشام قارىغۇسىنىڭ ئالدىنى ئالىدۇ، يەنە ئىپتىلىيە ھۈجەيرىسىنىڭ پۈتۈنلىكىنى قوغداش رولى بار، بالىلارنىڭ نەپەس يولى شىللىق پەردىلىرىنىمۇ قوغداش رولى بار، ھەمدە ئورگانىزىمنىڭ ئىممۇنىتېت ئىقتىدارىنىمۇ كۈچەيتىش رولى بار. ۋىتامىن Ｄ كىچىك ئۈچەي شىللىق پەردىسىنىڭ كالتسىي، فوسفورنى سۈمۈرۈشىنى ئىلگىرى سۈرۈش، بۆرەك كىچىك نەيچىسىنىڭ كالتسىي، فوسفورنى سۈمۈرۈشىنى ئىلگىرى سۈرۈش،ھەمدە قاندىكى كالتسىينىڭ سۆڭەككە يۆتكىلىشى ۋە چۆكمىگە چۈشۈشىنى ئىلگىرى سۈرۈش، سۆڭەكنىڭ ئۆسۈپ يېتىلىشىنى ئىلگىرى سۈرۈش رولى بار، شۇڭلاشقا بالىلاردىكى راخىت كېسىلىنىڭ ئالدىنى ئالىدىغان ئەڭ ياخشى دورا.
بېلىق مېيى بولسا، چوڭقۇر دېڭىز بېلىقلىرىنىڭ مېيىدىن ئاجرىتىلغان ياسالما، بۇمۇ بىر خىل سۇس سېسىق پۇراقلىق مايسىمان سۇيۇقلۇق، تەركىبى بېلىق جىگەر مېيىغا ئوخشىمايدۇ، تەركىبىدە كۆپ بىرلىكلىك تويۇنمىغان ماي كىسلاتاسى بار، 20 كاربونلۇق ئىتان كىسلاتاسى ＰＡＥ، ＤＨＡنىمۇ ئۆز ئىچىگە ئالىدۇ، ئادەم بەدىنىدىكى قاندىكى گېلىتسىرىن ۋە خولىستىرىننى تۆۋەنلىتىدۇ، يۇقىرى زىچلىق ماي ئاقسىلىنى يۇقىرىلىتىدۇ، بۇ ئارقىلىق قان تومۇرنىڭ بوتقىسىمان قېتىشىشىنىڭ ئالدىنى ئالىدۇ، ھەمدە ئادەم بەدىنىگە تەسىر قىلىش ئارقىلىق قان پىلازمىسىنىڭ ئۇيۇشىشىنىڭ ئالدىنى ئالىدۇ.ＤＨＡ مېڭە قان توسۇلۇشتىن ئۆتۈپ نېرۋا ئۆتكۈزگۈچكە نىسبەتەن مۇھىم رولى بار، چوڭ مېڭە ئىقتىدارىغا نىسبەتەن كەم بولسا بولمايدىغان ماددا، ئۇنىڭ «مېڭە ئالتۇنى »دەپ چىرايلىق نامى بار.
بۇنىڭدىن كۆرۈۋېلىشقا بولىدۇكى، بېلىق مېيى بىلەن بېلىق جىگىرى مېيىنىڭ ئادەم بەدىنىگە نىسبەتەن ساغلاملىق ئىقتىدارى ئوخشاشمايدۇ. ئارىلاشتۇرۇۋېتىشكە بولمايدۇ، ئورنىغا قويۇشقىمۇ قەتئىي بولمايدۇ.
ئەسلى مەنبە:
ئانا بالا تورى
