2024 – يىلى 7 – ئاينىڭ 26 – كۈنى، ئامېرىكا تېكساس يۈرەك تەتقىقات ئورنى تۇنجى تىتان قېتىشمىسىدىن ياسالغان يۈرەك كۆچۈرۈش ئوپېراتسىيەسىنى مۇۋەپپەقىيەتلىك ئېلىپ باردى. بۇ خىل پۈتۈنلەي مېخانىكىلىق يۈرەكنى BiVACOR شىركىتى تەتقىق قىلىپ ياسىغان بولۇپ ماگنىتلىق سۇسپېنزىيە تېخنىكىسى ( maglev ) قوللىنىلغان بولۇپ ، يۇقىرى سۈرەتلىك پويىز تېخنىكىسىغا ئوخشاپ قالىدۇ. بۇ قۇرۇلما تىتان مېتالدىن تۈزۈلگەن قوش كامېرلىق ئايلانما قان پومپىسى بولۇپ، پەقەت بىرلا ھەرىكەت بۆلىكى بار ئىكەن، ماگنىتلىق لەيلىمە روتور ئارقىلىق قاننى پومپا بىلەن يەتكۈزۈپ، زەئىپلەشكەن يۈرەكنىڭ ئىككى يۈرەك قېرىنچىسىنىڭ ئورنىنى باسالايدىكەن.
بۇ قېتىمقى ئوپېراتسىيە ئامېرىكا يېمەكلىك – دورا نازارەت قىلىپ باشقۇرۇش ئىدارىسى ( FDA ) نازارەت قىلىپ باشقۇرىدىغان دەسلەپكى تەتقىقاتىنىڭ بىر قىسمى بولۇپ، بۇ خىل يېڭى تىپتىكى سۈنئىي يۈرەكنىڭ بىخەتەرلىكى ۋە ئۈنۈملۈكلۈكىنى باھالاشنى مەقسەت قىلغان. ئوپېراتسىيە تېكساس يۈرەك تەتقىقات ئورنىدا ئېلىپ بېرىلغان، بۇ دۇنيادا تۇنجى قېتىم بۇ خىل قۇرۇلمىنىڭ ئادەم بەدىنىگە مۇۋەپپەقىيەتلىك كۆچۈرۈلۈشى ھېسابلىنىدۇ. بۇ قۇرۇلما مىنۇتىغا 12 لىتىر قاننى پومپا بىلەن يەتكۈزۈپ، قۇرامىغا يەتكەن ئەرلەرنىڭ ھەرىكەت قىلىشىغا يەتكۈزىدىكەن ھەمدە بىر كىچىك تىپتىكى زەرەتلىگىلى بولىدىغان سىرتقى كونتروللىغۇچ ئارقىلىق ئايلىنىشنى ساقلايدىكەن.
BiVACOR نىڭ قۇرغۇچىسى ،قوشۇمچە باش تېخنىكا ئەمەلدارى دانىيېل تىمىس ( Daniel Timms ) ئوپېراتسىيەدىن كېيىن مۇنۇلارنى بىلدۈردى:بۇ نەتىجە يۈرەك زەئىپلىشىشنى داۋالاش ساھەسىدىكى زور بۆسۈشتىن دېرەك بېرىدۇ. ئىلغار ماگنېتلىق سۇسپېنزىيە تېخنىكىسىدىن پايدىلىنىپ، بۇ خىل تىتان قېتىشمىلىق يۈرەك يۈرەك كۆچۈرۈشنى كۈتۈپ تۇرغان ئاخىرقى مەزگىلدىكى يۈرەك زەئىپلىشىش بىمارلىرىنى ئۈمىدلەندۈرىدۇ. بۇ خىل يېڭى تېخنىكىنىڭ ھالقىلىق ئەۋزەللىكى مېخانىكىلىق ئۇپراشنىڭ ئېھتىماللىقىنى يوقىتىش ئارقىلىق قۇرۇلمىنىڭ چىدامچانلىقى ۋە ئىشەنچلىكلىكى زور دەرىجىدە يۇقىرى كۆتۈرۈلدى.
گەرچە بۇ خىل تىتان قېتىشمىلىق يۈرەكنىڭ ئاساسلىق ئىقتىدارى كۆچۈرۈش مەزگىلىدىكى ۋاقىتلىق ھەل قىلىش لايىھەسى بولسىمۇ، لېكىن ئۇنىڭ لايىھەلىنىشىدە يېڭىلىق يارىتىش ۋە تېخنىكىدا بۆسۈش ھاسىل قىلىش كەلگۈسىدىكى يۈرەك سەپلىمە بۇيۇمىنىڭ تەرەققىياتىنى مۇھىم پايدىلىنىش ماتېرىيالى بىلەن تەمىنلەيدۇ. باشقا ئەنئەنىۋىي سۈنئىي يۈرەك ئاسان ئۇپرايدىغان ئەۋرىشىم پولىمېر ئايرىش پەردىسى ئارقىلىق قاننى پومپىلاپ يەتكۈزۈشكە تايىنىدۇ، ئەمما BiVACOR قۇرۇلمىسىدىكى بوشلۇقتا لەيلەپ تۇرىدىغان يەككە بۆلەك ماگنىت كۈچى ئارقىلىق ئۇنى ھەرىكەتلەندۈرۈپ، تېخىمۇ ئۇزۇن ئىشلىتىلىش ئۆمرىنى ئىشقا ئاشۇرىدۇ.
ئەمدى بۇ خىل تىتان قېتىشمىلىق يۈرەك ئىككى بىمارنىڭ بەدىنىدە يەنىمۇ ئىلگىرىلىگەن ھالدا كىلىنىكىلىق تەجرىبە ئېلىپ بېرىلىپ، ئۇنىڭ ئەمەلىي ئىشلىتىش شارائىتىدىكى ئۈنۈمى ۋە بىخەتەرلىكى باھالىنىدۇ. يۈرەك زەئىپلىشىش پۈتۈن يەر شارى مىقياسىدىكى ئېغىر ساغلاملىق مەسىلىسى بولۇپ، ئاز دېگەندىمۇ 26 مىليون ئادەمگە تەسىر كۆرسىتىۋاتماقتا. ئەگەر BiVACOR تىتان قېتىشمىسىدىن ياسالغان يۈرەكنىڭ كىلىنىكىلىق تەجرىبىدە ئىپادىسى ياخشى بولسا، ئۇ يۈرەك كۆچۈرۈشنى كۈتۈپ تۇرغان نەچچە مىڭلىغان بىمارنى ھاياتلىق يولى بىلەن كۆرسىتىپ، ئۇلارنىڭ كۆچۈرۈشنى كۈتۈش قىيىن ئۆتكىلىدىن ئۆتۈۋېلىشىغا ياردەم بېرىدۇ.
مەنبە:
New atlas
 قوللىنىلغان بولۇپ ، يۇقىرى سۈرەتلىك پويىز تېخنىكىسىغا ئوخشاپ قالىدۇ. بۇ قۇرۇلما تىتان مېتالدىن تۈزۈلگەن قوش كامېرلىق ئايلانما قان پومپىسى بولۇپ، پەقەت بىرلا ھەرىكەت بۆلىكى بار ئىكەن، ماگنىتلىق لەيلىمە روتور ئارقىلىق قاننى پومپا بىلەن يەتكۈزۈپ، زەئىپلەشكەن يۈرەكنىڭ ئىككى يۈرەك قېرىنچىسىنىڭ ئورنىنى باسالايدىكەن.){kind=link}