ياشنىڭ چوڭىيىشىغا ئەگىشىپ ، كىشىلەردە كالىتسىي كەملىك ، مىكرو ئېلېمىنىتلارنىڭ قوبۇل قىلىنىشى يېتەرلىك بولماسلىق ، شۇنىڭدەك كۆپىنچە كىشىلەر ئانچە ئېتىبار قىلىپ كەتمەيدىغان كەم قانلىق قاتارلىق ئالامەتلەر كۆرۈلىدىكەن
ئەگەر ۋاقتىدا قان تولۇقلاشقا ئەھمىيەت بەرمىگەندە ، مېڭە ۋە يۈرەككە قان يېتىشمەسلىك كېلىپ چىقىپ ، ئاسانلا يۈرەك – مېڭە قان تومۇر كېسەللىرىگە گىرىپتار قىلىپ قويىدىكەن .
ياشانغانلار ھەزىم قىلىش ئىقتىدارىنىڭ ناچارلىشىشى ، يىلىكنىڭ قان ئىشلەپچىقىرىشئىقتىدارىنىڭ ناچارلىشىشى قاتارلىق سەۋەبلەر تۈپەيلى ، ۋىتامىن b12 فولىن كىسلاتاسى ۋە تۆمۈر ماددىسىنى يېتەرلىك قوبۇل قىلالمايدۇ – دە ، كەم قانلىق كېسىلىگە گىرىپتار بولۇپ قالىدۇ . ئەگەر ئوتتۇرا ياش ۋە ياشانغانلاردا ئۇزاق مەزگىلگىچە كەم قانلىق كۆرۈلۈپ ، ۋاقتىدا قان تولۇقلانمىسا ، مېڭە قان يېتىشمەسلىك سەۋەبىدىن مېڭە يىگىلەش ، ئۇنتۇغاقلىق ، ياشانغانلاردا بولىدىغان دېۋەڭلىك كېسەللىكى پەيدا بولىدۇ .
ئۇنىڭدىن باشقا ، كەم قانلىق يۈرەك ، مېڭە ۋە شۇنىڭدەك مۇھىم ئىچكىئەزالارنىڭ زەئىپلىشىشىنى تېزلىتىۋېتىدۇ . شۇڭا ئوتتۇرا ياش ۋە ياشانغانلار ئادەتتە ۋىتامىن c , b تۈرىدىكى ۋىتامىنلار ، فولىن كىسلاتاسى ، ئاقسىل ۋە تۆمۈر ماددىسى مول بولغان يېمەكلىكلەرنى كۆپ يېيىش ئارقىلىق ئوزۇقلۇق يېتەرلىك بولماسلىقتىن كېلىپ چىقىدىغان كەم قانلىقنىڭ ئالدىنى ئېلىشقائەھمىيەت بېرىش لازىم .
