ساغلاملىق زور بايلىق
ساغلاملىق زور بايلىق

10 باسقۇچلۇق تاماكا تاشلاش ئۇسۇلى

تاماكا چىكىش بەدەنگە زىيانلىق ، بۇ ھەممە كىشىلەرگە ئېنىق بولغان بىر ئۇقۇم تاماكا تاشلاشتا كىشىلەر كۆپ خىل ئۇسۇللارنى ئىشلىتىپ ئىشلىتىپ باققان ھەم كۆرۈنەرلىك ئۈنۈمگە ئېرىشكەن تۆۋەندىكى 10 باسقۇچ بۇرۇنقى كىشىلەر يەكۈنلەپ چىققان ئۇسۇللار ، ئىشلىتىپ بېقىشقا ئەرزىيدۇ.

1 . پايدىلىق تاماكا تاشلاش ئۇسۇلنى ھازىرلاڭ .
تاماكا ۋە ئۇنىڭغا ئالاقىدار بۇيۇملارنىڭ ھەممىسىنى يوقىتىش ( تاماكا ، كۈلدان ، چاقماق قاتارلىقلار ) ئالدىنئالا دوسلىرىڭىزغا ۋە ئىشداشلىرىڭىزغا ئۆزىڭىزنىڭ تاماكا تاشلىغانلىقىڭىزنى ئۇقتۇرۇپ ئۇلارنىڭ ھەر قايسى جەھەتتىن سىزنى يېقىندىن قوللىشىنى قولغا كەلتۈرۈڭ .

2 . ھەمراھتىن بىرنى تېپىڭ .

ناۋادا يېنىڭىزدا تاماكا تاشلىشىڭىزنى قوللايدىغان بىر توپ ئادەم ياكى بىرەر تەشكىلات بولسا ، ئەلۋەتتە بۇنىڭدىن ئوبدان پايدىلىنىڭ ، بىراق بۇ ئەمەلىيەتكە ئانچە ئويغۇن كەلمەيدۇ . شۇڭا سىز تاماكا تاشلاش جەريانىدا يېنىڭىزدىن ئايرىلمايدىغان ، ھەر دائىم سىزگە مەدەت بېرىپ تۇرىدىغان ، مەنىۋى جەھەتتىن سىزنى ھەقىقى قوللايدىغان ئادەمدىن بىرنى ئۆزىڭىزگە ھەمراھ قىلىڭ . شۇنداق بولغاندا تاماكا تاشلاش جەريانىدا ئۆزىڭىزنى غېرىپ ھىس قىلمايسىز ھەم بىلىپ – بىلمەيلا تاماكىنى تاشلىۋېتىسىز .

3 . ۋىتامىنC نى ئۆزلەشتۈرۈڭ .

تاماكا تاشلىغان بىرىنچى ھەپتىنىڭ ئالدى – كەينىدە ، بەدەننىڭ يېتەرلىك ۋىتامىن C نى ئۆزلەشتۈرىشىگە كاپالەتلىك قىلىش ئۈچۈن ، يېڭى مېۋە – چېۋە ياكى مېۋە شەربىتىنى كۆپ ئىستىمال قىلىشقا ئالاھىدە دىققەت قىلىش لازىم .

4 . چېنىقىڭ .

تاماكا تاشلاش جەريانىدا ، بەدەن چېنىقتۇرۇشقا ئەھمىيەت بېرىش ئىنتايىن مۇھىم . تاماكا تاشلاپ بىرىنچى ھەپتىسى ئەڭ ياخشىسى ھەركەت مىقتارىنى ئاشۇرۇڭ . شۇنى يادىڭىزدا تۇتۇڭكى ، ھەرگىز ئەتىگەندىن كەچكىچە تېلېۋىزورنىڭ ئالدىدا ئولتۇردىغان بەت قىلىقنى ئۆزىڭىزگە يۇقتۇرۋالماڭ .

5 . بىر مەزگىل قەھۋەگە يېقىنى يولىماڭ .

بۇ گەپنىڭ سىزگە يېقىش ناتايىن . مەن ئەسلى بۇ گەپنى سىزگە دېمەي دېگەن ئىدىم ، بىراق ، سىز تاماكا تاشلايدىغان دەسلەپكى چاغلاردا قەھۋە ئىچىشنى توختاتسىڭىز ، سىزگە ھەقىقەتەن پايدىسى تېگىدۇ . بىزگە مەلۈم ، تاماكا چېكىدىغانلار كوففېئىننى بىر قەدەر تېز ئۆزلەشتۈرىدۇ ، ۋاھالەنكى ، تاماكا تاشلىغاندا كوففېئىننى ئۆزلەشتۈرۈش سۆرىتى نورىمال سەۋيىگە كېلىدۇ .كوففېئىنن تاماكا چەككۈچىلەرنىڭ تېنىدە بىر قەدەر ئۇزۇن ۋاقىت ساقلىنىپ قالغاچقا ، ئادەمنى قاتتىق بىئارام قىلىدۇ ، ئۇنىڭ ئۈستىگە تاماكا تاشلىغان مەزگىلدە بۇنداق بىئاراملىق تېخىمۇ يامان . شۇڭا ، تاماكا تاشلىغان چاغدا ئىمكان بار قەھۋە ئىچمەك .

6 . نىكڭرېتتې ( Nicorette ) يۇمشاق كەمپۈتى ۋە تاماكا تاشلاش مەلھىمى ( Skin Patch ) نى ئىشلىتىپ كۆرۈڭ .

تېببىي پەن ماتىرياللىرى ئۈستىدە ئېلىپ بېرىلغان چوڭقۇر تەكشۈرۈشتىن مەلۇم بولۇشچە ،ئەڭ مۇۋەپپەقىيەتلىك تاماكا تاشلاش ئۇسۇلى – دوختۇر ، پىسىخولوگ ياكى باشقا مۇتەخەسسلەردىن بۇ ھەقتە پات – پات تەلىم ئېلىپ تۇرۇش ، سۇنىڭ بىلەن بىر ۋاقىتتا نىكورېتتې يۇمشاق كەمپۈتى ، نىكتېن سېغىزى ياكى تېرىنى مايلايدىغان تاماكا تاشلاش مەلھىمى قاتارلىق دورىلارنى ئىشلىتىش ئىكەن .

نىكڭرېتتې يۇمشاق كەمپۈتىنى يەپ ئادەتلىنىش ئۈچۈن مەلۇم جەريان كېرەك . بۇ خىل كەمپۈتنىڭ غەيرى پۇرىقى بولغاچقا ، ئۇنىڭ ئۈستىگە چايناش ئۇسۇلى ئالاھىدە بولغاچقا ، بۇنىڭغا كۈنۈش سەل تەسرەك . ئەمما ياخشى يېرى بۇ خىل كەمپۈتنى يېسىڭىز ، تاماكىنى ئاغزىڭىزغا ئالغۇڭىز كەلمەيدۇ .

نېكوتىن سېغىزى ھازىرغا قەدەر تاماكا تاشلاشتا ئۈنۈملۈك رولغا ئىگە ئىكەنلىگىنى ئىسپاتلانغان بىر دىنبىر دورا .

1991 – يىلى تېرىگە سۈركەيدىغان نىكوتىن مەلھىمى نىكودېرم ( Nicoderm ) ، خابىترول ( Habitrol ) ۋە پروستېر ( Prostep ) قاتارلىقلار دۇنياغا كەلدى . بۇ دورىلارمۇ تاماكا تاشلاشتا ئۈنۈملۈك رولغا ئىگە .

7 . ئېتىقادىڭىزنى چىڭىتىڭ .

ئەتىگەنلىك غىزا ياكى چۈشلۈك غىزانىڭ ئالدىدا ، جىمجىت ، خالى جايدىن بىرنى تېپىپ ، ئەركىن – ئازادە 15 مىنىۇت ئولتۇرۋېلىڭ ھەم كۆزلىرىڭىزنى يۇمۇپ ، تۆۋەندىكى ئۈچ ئىشنى قىلىڭ .

1) << مەن ئىس - تۈتەكسىز دۇنيادا ياشاشنى ھەم ياشلىقىمنىڭ مەڭگۈ جەۋلان قىلىشىنى ئۈمىد قىلىمەن >> دېگەن ئىرادىڭىزنى ئىچىڭىزدە بىر نەچچە قېتىم قايتىلاڭ .

2) ئۆزىڭىزنى جەڭگىۋار ، چىرايىڭىزدىن نۇر يېغىپ تۇرغان ، ساغلام ، خوشال ، بەخىتلىك ھالىتىڭىزنى كۆز ئالدىڭىزغا كەلتۈرۈڭ .

3) كۆڭۈلنى غەش قىلىدىغان خىياللار كېلىپ قالسا ، ئۇنىڭغا پەرۋا قىلىماڭ ، ۋاقىتنىڭ ئۈتۈشىگە ھەم ئېتقاد ۋە ئىرادىڭىزنىڭ مۇستەھكەملىنىشىگە ئەگىشىپ ، ئۇنداق خىياللار تەبىئىي ھالدا كاللىڭىزدىن چىقىپ كېتىدۇ . ئېسىڭىزدە بولسۇنكى ، تاماكا چېكىش ئادىتىڭىزنى يوقاتقۇچە ، ئىرادىڭىزنى ھەرگىزمۇ بوشاشتۇرۇپ قويماڭ .

8 . << تاماك خۇمارىڭىز تۇتۇپ كەتكەن چاغدىكى ئازاب >> قا چىداڭ .

<< ئورۇقلاش مەۋەپپەقىيەت قازىنىشتىكى ئاچلىق ئازابى >> دېگەن گەپنى ئاڭلىغانمۇ ؟ ئۇنىڭ مەنىسى ئاچلىق ئازابى يەنىلا ئورۇق ئادەم بولۇشنىڭ بەلگىسى دېگەنلىكتۈر . ئۇنداقتا ، سىز تاماكا خۇمارى پەيدا قىلغان ئازابنى بېشىڭىزدىن كەچۈرۈپ بېقىڭ !!! تاماكا خۇمارىڭىز تۇتۇپ كەتكەن چاغدىكى تىت – تىتلىق ۋە بىئاراملىقنى تاماكا تاشلاشتا مۇۋەپپەقىيەت قازانغانلىقنىڭ بەلگىسى ھەم تاماكا چېكىش ئادىتىڭىزنى يەڭگىللىتىشنىڭ يالدامىسى قىلىڭ . بۇ خىل ئۇسۇل << ئاچلىق ئازابى >> غا قارىغاندا تېخىمۇ رىقابەتچىلىككە ئىگە . خالىسىڭىز سىناپ كۆرۈڭ ؟؟ ئۈنۈم بېرىپ قالسا ئەجەپ ئەمەس .

9 . تاماكا خۇمارىڭىز تۇتۇپ كەتكەندە .

تاماكا خۇمارىڭىز تۇتۇپ كەتكەندە ، تالا – تۈزىگە چىقىپ بىردەم ئايلىنىپ كېلىڭ ياكى چوڭقۇر نەپەس ئېلىشنى مەشىق قىلىڭ . مۇمكىن بولسا ئارقىدىن بىر ئىستاكان سوغوق سۇ ئىچىۋېتىڭ . ئېسىڭىزدە بولسۇنكى ، تاماكا تاشلاپ دەسلەپكى 3 كۈن ئىچىدە ئىنتاينى بىئارام بولىسىز ، كېيىنچە بارا – بارا ياخشى بولۇپ كېتىسىز .

10 . تاماكا چەكمەيدىغان ئادەم بولۇڭ .

سىز تاماكا تاشلاشقا ئىردە باغلىغان ۋە ئۇنى ئەمەليىتىڭىزدە كۆرسۈتۈشكە باشلىغان ھامان ، تاماكا چەكمەيدىغان ئادەمگە ئايلىنىسىز . شۇڭا ، رېستورانلاردا تاماق يېگەن ياكى قاتناشتا …….سىرتلارغا چىققاندا ، ئىسسىز رايۇنلاردا بولۇڭ . ئېسىڭىزدە بولسۇكى ، سىز ھازىردىن باشلاپ ساغلام ئادەملەر قاتارىغا كىردىڭىز .

سەمىمىي ئەسكەرتىش


  1. بىكەتتىكى مەزمونلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما 100 دە 100 لىق دىئاگنوز ئاساسى بولالمايدۇ. چۈنكى بىر ئادەمنىڭ كېسەل ئالامىتى يەنە بىر ئادەمنىڭكىگە ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم، دوختۇر بىلەن يۈز تۇرانە مەسىلىھەت ئېلىشىڭىزنى، مۇنتىزىم دوختۇرخانىدا تەكشۈرتۈشىڭىزنى تەۋسىيە قىلىمىز.
  2. ياكى تور بېكىتىمىزدىكى مەزمونلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقى توغرىسىدا مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئۇيغۇر ئۇيغۇرنى قوللاپ، ئۇيغۇرنىڭ ئەمگەك مىۋىسىنى قوغدىشى، قىممىتىنى نامايەن قىلىشى كېرەك. بىكەتتىكى ھەربىرماقالە دوختۇرلىرىمىزنىڭ كىچە كىچە ئولتۇرۇپ، ئايرىم ۋاقىت چىقىرىپ يېزىلغان، قان تەرىگە كەلگەن ئەمگەك مىۋىسىدۇر . ئەگەر سودا ئىشلىرىغا ئىشلەتمەكچى بولسىڭىز، بېكىتىمىزنىڭ مەسئۇللىرى ياكى ئەسلى ئاپتور يازار بىلەن ئالاقىلىشىڭ.
نۇر دوختۇر Doctor Nurhttp://www.dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,249FansLike
163FollowersFollow
1,600SubscribersSubscribe

يېڭى مەزمونلار

spot_img