دوختۇرلار تورى

تەن ساقلىق زور بايلىق

سوزۇلما خاراكتىرلىك بالىياتقۇ بوينى ياللۇغى

سوزۇلما خاراكتىرلىك بالىياتقۇ بوينى ياللۇغى

慢性宫颈炎

chronic cervisitis

kronik servisit, kronik rahim ağzı itihabı

سوزۇلما خاراكتېرلىك بالىياتقۇ بوينى ياللۇغى ئۆتكۈر خاراكتېرلىك بالىياتقۇ بوينى ياللۇغىنى ۋاقتىدا ئۈزۈل كېسىل داۋالانمىغانلىقتىن كىسەل قوزغاتقۇچى ئېلېمنتلار بالىياتقۇ بوينى شىللىق پەردىسى ئىچىگە يوشۇرۇنىۋېلىپ ئاستا خاراكتېرلىك ياللۇغلىنىشنى كەلتۈرۈپ چىقىرىدۇ.

سوزۇلما خاراكتىرلىك بالىياتقۇ بوينى ياللۇغى 慢性宫颈炎

سەۋەبى:

1)ئۆتكۈر خاراكتېرلىك بالىياتقۇ بوينى ياللۇغىنى ۋاقتىدا داۋالىمغانلىقتىن كېلىپ چىقىدۇ.

2)غەيرى تەبىئىي خىلىتلارنىڭ بالىياتقۇ بوينىغا تەسىر قىلىشىدىن كېلىپ چىقىدۇ.

3)داس بوشلۇقىدىكى ياللۇغنى ۋاقتىدا داۋالىماسلىق،داس بوشلۇقىدىكى ئەزالار يەنى بالىياتقۇ بوينى،بالىياتقۇ ئىچكى پەردىسى ياللۇغلىنىش بولغاندا ئاجرالما ماددىلارغا بالىياتقۇ بوينى ئۇزۇن مۇددەت چىلىنىش نەتىجىسىدە كېلىپ چىقىدۇ.

4)تۇغۇت،بويىدىن ئاجراش،ھەيز ۋە چىللە دەۋردىكى تازىلىق ۋە دىزىنفىكسيەگە دىققەت قىلماسلىقتىن كېلىپ چىقىدۇ.

5)ھامىلدارلىقتىن ساقلىنىش قاپچۇقىنى نامۇۋاپىق ئىشلىتىش نەتىجىسىدە سوزۇلما خاراكتېرلىك بالىياتقۇ بوينى ياللۇغى كېلىپ چىقىدۇ.

6)ئىچكى ئاجرالما بەزلەر خىزمىتىنىڭ قالايمىقانلىشىشىدىن كېلىپ چىقىدۇ.

7)بالىياتقۇ چىقىقى تەسىرىدىن كېلىپ چىقىدۇ.

8)جىنسى تۇرمۇشنىڭ كۆپ بولۇشى ھەمدە قوپال بولۇش سەۋەبىدىن كېلىپ چىقىدۇ.

كلىنىك ئالامەتلىرى :

ئاستا خاراكتېرلىك بالىياتقۇ بوينى ياللۇغىنىڭ ئاساسلىق ئالامەتلىرى جىنسى يول ئاجرالمىلرى كۆپىيىدۇ.كىسەل قوزغاتقۇچى مىكروب،ياللۇغلىنىشنىڭ دائىرسى ۋە دەرىجىسىنىڭ ئوخشىماسلىقىغا قاراپ جىنسى يول ئاجرالمىلىرىنىڭ مىقدارى،خاراكتېرى ۋە رەڭگى پۇرىقىمۇ ئوخشاش بولمايدۇ،جىنسى يول ئاجرالمىلىرىنىڭ رەڭگى سۈترەڭ شىلىمشىق بولىدۇ،بەزىدە سارغۇچ يىرىڭلىق كېلىدۇ،بەل توققۇز كۆز قىسمى سىرقىراپ ئاغرىيدۇ،قورساق تۆۋەنگە قاراپ چىڭقىلىدۇ،بۇ ھەرقىتىملىق ھەيز مەزگىلىدە ۋە جىنسى مۇناسىۋەت قىلغاندىن كىيىن ئېغىرلىشىدۇ،بەزىدە تىگشىش خاراكتېرلىك قاناش كۆرۈلىدۇ.

دىئاگنوز قويۇش :

كلىنىك ئىپادىلىرى ۋە ئاياللار بۆلۈمىدىكى تەكشۈرۈش نەتىجىلىرىگە ئاساسەن دىئاگنوز قويۇش ئانچە تەس ئەمەس ، ئەگەر بالىياتقۇ بوينى زېدىسى Ⅱ-دەرىجىگە يەتكەن بولسا بالىياتقۇ بوينىدىن سۇۋالما ئىلىپ تەكشۈرۈپ راك ھۈجەيرىنىڭ بار يوقلۇقىنى ئىنىقلايمىز.

سىېلىشتۇرما دىئاگنوز:

بالىياتقۇ بوينى راكى (دەسلەپكى دەۋىردىكى ) راكقا گىرىپتار بولغان بىمارلاردا بالىياتقۇ بوينىدا شەلۋەرەش بولۇپ ئېغىر بولغاندا تىگىش خاراكتېرلىك قاناش بولىدۇ. بۇنى پەرقلەندۈرۈشتە يەرلىك ئورۇندىن سۇۋالما ئىلىپ تەكشۈرۈش ئارقىلىق ئىنىقلايمىز.

ئالدىنى ئىلىش:

ۋاقتىدا ئاكتىپلىق بىلەن جىددى خاراكتېرلىك بالىياتقۇ بوينى ياللۇغىنى داۋالاش.ئاياللار بۆلۈمىدە قەرەللىك ھالدا تەكشۈرتۈپ تۇرۇش.بالىياتقۇ بوينى ياللۇغىنى بايقالغان ھامان ئاكتىپلىق بىلەن داۋالاش،پىلانلىق تۇغۇش،ھەيز،ھامىلدارلىق تۇغۇت ۋە چىللە مەزگىلدىكى تازىلىققا دىققەت قىلىش.تۇغۇت جەرياننى مۇۋاپىق بىر تەرەپ قىلىپ بالىياتقۇ بوينىنىڭ يىرىلىپ زەخىملىنىشىدىن ساقلىنىش،يىرىلىپ زەخمىلەنگەن بولسا ئۆز ۋاقتىدا تىكىش لازىم .

داۋالاش:

بالىياتقۇ بوينى ياللۇغىنى داۋالاشتىن ئىلگىرى بالىياتقۇ بوينىنى قىرىپ نۇسخا ئىلىپ تەكشۈرۈلۈپ دەسلەپكى دەۋردىكى بالىياتقۇ بوينى راكىنى ئىنكار قىلىش لازىم .

مەزكۈر مەزمون قوشۇلغان ۋاقىت: 2020-11-27

مەزكۈر مەزمون ئاخىرقى قېتىم يېڭىلانغان ۋاقىت: 2020-11-27 / 07:54:09

سەمىمىي ئەسكەرتىش
بىكەتتىكى مەزمۇنلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما دىئاگنوز ئاساسى بولالمايدۇ. ئوخشىمىغان بىماردا ئوخشىمىغان ئالامەتلەر كۆرۈلىدۇ ۋە دىئاگنوزى ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم مۇنتىزىم دوختۇر بىلەن يۈز تۇرانە مەسىلىھەت ئېلىشىڭىزنى، دوختۇرخانىدا تەكشۈرتۈشىڭىزنى تەۋسىيە قىلىمىز.

باشقا يەرلەردىن ئېلىنغان بەزى مەزمۇنلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمۇنلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسەرنىڭ ئەسلى ئاپتورى ماقالىنىڭ تور بېكىتىمىزدە ئېلان قىلىنغانلىقى ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.

تور بېكىتىمىزدىكى مەزمۇنلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقىنى ۋەيا بىز ئەسكەرتكەن مەزمۇننىڭ ئەسلى مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئەمگەك مېۋىسىگە ھۆرمەت قىلىڭ.

نۇر دوختۇر Doctor Nur
نۇر دوختۇر Doctor Nurhttp://dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,656FansLike
697FollowersFollow
1,860SubscribersSubscribe

يېڭى مەزمونلار

مەخسۇس سەھىپىلەر