بوۋاقلار، بالىلاردا ھەرقايسى ئاي، ياشلاردا بولىدىغان ئۆزگىرىشلەر
12 ئايلىق بوۋاقلار ????
باش ئايلانمىسى: 43.6 – 48.5 سانتىمېتىر
بوي ئۇزۇنلۇقى: 71.3 – 80.2 سانتىمېتىر
بەدەن ئېغىرلىقى: 7800 – 11800 گىرام
بىر قولىنى تۇتۇپ تۇرسا، ئاستا ئاستا ماڭالايدۇ. ياردەم يوق ئەھۋال ئاستىدا، ئۆز ئالدىغا قىسقا ۋاقىت تىك تۇرالايدۇ، بىرقانچە قەدەم ماڭالايدۇ. 2-4 سۆزلەرنى چۈشىنىپ تۇرۇپ دىيەلەيدۇ (ئاپا، دادا..). يالغۇز توپ ئوينىيالايدۇ.
ئاددىي بۇيرۇقلارنى قىلالايدىغان بولىدۇ. كىيىم كىيدۈرگەندە بەدەن ھالىتىنى ئۆزگەرتىپ بېرەلەيدۇ. قولىدىكى جىسىمنى باشقىلارغا بېرەلەيدۇ. رەسىملىك كىتاپلارنى كۆرگەندە خوش بولىدۇ.
ئاددىي دوراش ئۇسلۇپتىكى ئويۇنلارنى ئوينىيالايدۇ ( قوشۇق بىلەن تاماق يىگەننى دوراش..)
ئەسكەرتىش: يېڭى تۇغۇلغاندىن تارتىپ 4 ياشقا كىرگىچە ھەرقايسى مۇھىم ئايلار، ياشلاردا بوۋاق بالىلاردا بولىدىغان بەزى ئالامەت، ھەرىكەت ۋە ئۆزگىرىشلىرىنى يىغىنچاقلاپ دوختۇرلار بېكىتىمىزدىكى دوختۇرلار بىلەن بىرلىكتە رەتلەپ چىقتۇق. بۇ ئۆزگىرىشلەر ساغلام بوۋاقلارنىڭ كۆپىنچىسىدە بولىدۇ. ئەگەر مەزكۈر ئايدا تىلغا ئېلىنغان ئالامەتلەر ۋە ئۆزگىرىشلەرنىڭ بىرقانچىسى بوۋاقتا، بالىدا كۆرۈلمىسە، ۋاقتىدە بالىلار دوختۇرىڭىز بىلەن كۆرۈشۈپ بېقىشىڭىزنى تەۋسىيە قىلىمىز.
كېيىنكى ئايلاردىكىنى داۋاملىق چىقىرىمىز.
