كىلىماكتېرىيە (ھەيز كېسىلىش) دەۋرىگە قەدەم قويغان ئاياللارنىڭ تېنى كۆرۈنەرلىك ئاجىزلاپ ، مېڭە ، جىگەر ، بۆرەك ، تال ، ئاشقازان ئاستى بېزى قاتارلىق ئەزالىرىنىڭ ئېغىرلىقى تەدرىجىي يېنىكلىگەنلىكدىن سىرت يەنە فىزىئولوگىيىلىك ۋە پىسخىكا جەھەتلەردىمۇ بىر قەدەر ئۆزگىرىشلەر بولىدىكەن.
دائىم ئۇچرايدىغانلىرىدىن تەشۋىشلىنىش ، خاتىرجەمسىزلىنىش ، ئىچى پۇشۇش ، ئاسان ئاچچىقلىنىش ياكى ماددا ئالماشتۇرۇش ئىقتىدارىدىكى ئۆزگىرىشلەر تۈپەيلىدىن ئوزۇقلۇق تەڭپۇڭلۇقى بۇزۇلۇش ، يۇقىرى قان بېسىمى ، سۆڭەك شالاڭشىش ، سېمىزلىك ، ھەر خىل ئۆسمە قاتارلىق كېسەللىكلەر ئاسان پەيدا بولىدۇ .
شۇڭا ئاياللار كىلىماكتېرىيە دەۋرىگە مۇناسىۋەتلىك بەزى ساغلاملىق بىلىملىرىنى ئەتراپلىق ئىگىلەپ ، ئۆزىنىڭ سالامەتلىك ئەھۋالىغا ئاساسەن ، كۈندىلىك ئىنچىكە ئۆزگىرىشلەردىن باشلاپ ئۆزىدىكى بەزى بىر كېسەللىكلەرنى بايقاشنى ئۆگىنىۋېلىپ ، بىر قىسىم يوشۇرۇن كېسەللىكلەرنى ۋاقتىدا بايقاپ ،ئالدىنى ئېلىپ داۋالاش ئىنتايىن مۇھىم .
