ئاۋاز پۈتۈپ قېلىشنى ئۇيغۇر تىبابىتىدە داۋالاش ئۇسۇللىرى
*بىر قانچە تال كاۋاۋىچىننى ئېغىزغا سېلىپ چايناپ، شۈمۈپ بەرسىمۇ ، دەملەپ ئىچسىمۇ ئۈنۈمى بولىدۇ.
* بادام مېغىزىنىڭ پوستىنى ئېلىۋېتىپ، يۇمشاق سوقۇپ، تەڭ مىقداردىكى ھەسەلگە قوشۇپ ئىستېمال قىلىپ بەرسە، ئاۋاز ئېچىلىدۇ.
* ئاق لەيلىگۈلىنىڭ ئۇرۇقى ، كۆكنار ئۇرۇقى ، يۇمغاقسۈت ئۇرۇقىنى سوقۇپ، دەملەپ، تاماقتىن كېيىن ئىچىپ بېرىش، چەينەكنىڭ ئاغزىنى ئېچىپ، كاناينىڭ ئىچى ۋە سىرتىنى ھورداش، ياغلىق ، قورۇغان تاماقلاردىن پەرھىز تۇتۇش لازىم.
* كالا سۈتىنى قاينىتىپ، ئازغىنە سودا سېلىپ، ئىسسىق پېتى ئىچىپ بېرىش كېرەك. كاناينى سىرتىدىن ئىسسىق سۈت ، قۇيرۇق ياغدا ياغلىسا بولىدۇ ۋە كاناينى ئىسسىق ساقلاش كېرەك. كانايغا سىرتىدىن ئىسسىق ئۆتكۈزۈپ بەرسىمۇ ئۈنۈمى ياخشى بولىدۇ.
* تاتلىق ئانارنى سىقىپ سۈيىنى ئىسىتىپ، ئىسسىق پېتى كۈنىگە ئىككى ۋاخ، ئۈچ قوشۇقتىن ئىچىپ بەرسە، يۇتقۇنچاق ۋە ئاۋاز ئېچىلىدۇ. ئۇنى نەيچە بىلەن ئاز-ئازدىن ئاستا سۈمۈرۈپ كانايدا ئۇزاق توختىتىپ ئىچىش كېرەك. تېز ئىچىۋەتسە ئۈنۈمى ئانچە ياخشى بولمايدۇ.
* زەنجىۋىلنى سوقۇپ، سۈتكە چىلاپ، ئاق قىچىنى سوقۇپ قوشۇپ، ھەسەل بىلەن ئارىلاشتۇرۇپ ئىستېمال قىلسا، ئاۋازنىڭ ئېچىلىشىغا ئۈنۈملۈك ياردىمى بولىدۇ.
