دىئابىت كېسىلىنى داۋالاشتىكى ئەپچىل رېتسېپلار

1 – يېرىم ئىستاكان نېلۇپەر يىلتىزىنىڭ سۈيىنى چىقىرىپ، ھەر كۈنى ئەتىگەندە ۋە كەچتە قايناقسۇغا چېلىپ ئىچسە بولىدۇ.

2 – 30 گرام يېڭى ئۈجمە، 15 گرام قارا كۈنجۈت ۋە 15 گرام ياڭاق مېغىزىنى ئېزىپ ئارىلاشتۇرۇپ، كۈنىگە ئىككى قېتىمدىن قايناقسۇغا چېلىپ ئىچسە، دىئابىت كېسىلىدىن بولغان بەل كۈيۈشۈپ ئاغرىش، ئالدى پىشاپ قىستاش، ئۇسساش قاتارلىقلارغا مەنپەئەت قىلىدۇ.

3 – كۆممىقوناق ساقىلىنى دەملەپ، چاي ئورنىدا ئىچىپ بەرسە، دىئابىت كېسىلىگە مەنپەئەت قىلىدۇ.

4 – 100 گرام پالەك يىلىتىزىنى 10 گرام ئاق مور بىلەن قاينىتىپ، ئەتىگەندە ۋە كەچتە سۈيىنى ئىچىپ بەرسە بولىدۇ.

5 – ھەر كۈنى ئەتىگەندە تېرىق ئۇمىچى ئېتىپ، ئاۋۋال ئۈستىدىكى قېتىشمىسىنى يەپ، ئاندىن ئۇماچنى ئىچسە، دىئابىت كېسىلىنى تىزگىنلىگىلى بولىدۇ.

6 – 120 گرام يېڭى چوغلۇقنى پاكىزە يۇيۇپ دۈملەپ پۇشۇرۇپ، بىر قېتىمدا يەۋىتىش كېرەك. شۇ تەرىقىدە كۈندە ئىككى قېتىم يېيىشنى داۋاملاشتۇرسا بولىدۇ.

7 – ئاچچىق تەرخەمەك بىلەن قىزىل سەۋزىنى پاكىزە يۇيۇپ، ئىنچىكە توغراپ خام سەي قىلىپ يېسە بولىدۇ. ھەر كۈنى يېرىم جىڭ ئاچچىق تەرخەمەكنى قاينىتىپ، تاماقتىن بۇرۇن سۈيىنى ئىچسىمۇ بولىدۇ.

8 – يېڭى كەرەپشە يوپۇرمىقىنى مۇۋاپىق تەييارلاپ، پاكىزە يۇغاندىن كېيىن ئېزىپ سۈيىنى كۈنىگە ئىككى قېتىم ( ھەر قېتىمدا 50 مىللىلېتىر) ئىچىپ بەرسە، دىئابىت كېسىلىگە مەنپەئەت قىلىدۇ، قاندىكى ياغنى پارچىلايدۇ.

9 – تەكىيە كاۋا پوستىدىن 100 گرام، مۇۋەببەلسىپت (冬麦) تىن 100 گرام، مامۇرانچىن (连黄) دىن 15 گرام تەييارلاپ، قاينىتىپ كۈنىگە ئىككى قېتىم ئىچسە، دىئابىت كېسىلىگە شىپا بولىدۇ.

10 – قورۇپ پۇشۇرۇلغان 30 گرام كاۋا ئۇرۇقىنى قاينىتىپ ئىچسە، دىئابىت كېسىلىگە ۋە تۇغۇتتىن كېيىنكى پۇت – قول ئىششىقىغا مەنپەئەت قىلىدۇ.

11 – يۇمران كاۋىنى كۈنىگە 500 گرامدىن، ئىككى – ئۈچ ئاي ئىستېمال قىلسا، دىئابىت كېسىلىگە شىپا بولىدۇ.

12 – توشقان گۆشىدىن 100 گرام، قوينىڭ ئۆپكىسىدىن 50 گرام تەييارلاپ، مۇۋاپىق سۇدا قاينىتىپ، شورپىسىنى ئىچىپ، گۆشىنى يەپ بەرسە، دىئابىت كېسىلىگە مەنپەئەت قىلىدۇ، كۈنىگە ئىككى قېتىمدىن ئۇزۇن مەزگىل داۋاملاشتۇرۇش كېرەك.

«شىنجاڭ ئىقتىساد گېزىتى»ﺩﯨﻦ ﺋﯧﻠﯩﻨﺪﻯ.