توۋتياۋ تورى خەۋىرى، نۇر تورى تەرجىمىسى:
نۇرغۇن كىشىلەر ھاراق ئىچكەندە بەزى ئىچىملىكلەرنى قوشۇپ ئىچىشكە ئادەتلەنگەن، ھاراق ئازراق تەڭشەلگەندىن كېيىن ئىچكەندە، تەمى ياخشى بولۇپلا قالماي، يەنە گىرادۇسى مۇناسىپ ھالدا تۆۋەنلەپ كېتىدۇ، مەست بولۇش ئەھۋالى ئاسان يۈز بەرمەيدۇ، كۆپ ساندىكى كىشىلەر بۇنداق قىلغاندا ئىسپىرتنىڭ ئاشقازانغا بولغان زىيىنىنى ئازايتقىلى بولىدۇ، ھەتتا ھاراق ئىچىشتىن بۇرۇن بەزى ئىچىملىكلەرنى ئىچىشكىمۇ بولىدۇ دەپ قارايدۇ. ئەمەلىيەتتە بۇ خىل قىلمىشنىڭ زىيىنى بەك چوڭ.
مەن تۆۋەندىكى بىر قانچە خىل دائىم ماسلاشتۇرۇلغان گۇرۇپپىلارنى مىسالغا ئېلىپ باقاي:
1. قىزىل ھاراق بىلەن شۆبى قوشۇش
قىزىل ھاراق بىلەن شۆبىنىڭ تەمى ئالاھىدە بولغاچقا، نۇرغۇن قىزلار ياخشى كۆرىدۇ، لېكىن بىلىپ-بىلمەيلا ھەددىدىن زىيادە كۆپ ئىچىپ سالىدۇ، ئۇنىڭدىن قالسا ھەر ئىككىسىنىڭ تەمى نىسبەتەن چۈچۈمەل بولىدۇ، بۇنداق ئۇزاق مۇددەت ئىچكەندە، ئاشقازان شىللىق پەردىسىگە بولغان زىيىنى ئىنتايىن ئېغىر بولىدۇ، ئۇنىڭ ئۈستىگە قويۇپ بېرىلگەن كاربون تۆت ئوكسىدى ئىسپىرتنى تېز سۈرئەتتە سۈمۈرۈۋېلىپ، تېخىمۇ ئاسان مەست قىلىدۇ.
2. پىۋىغا كولا قوشۇش
پىۋىغا كولا قوشۇش دائىم ئىشلىتىلىدىغان بىر ئۇسۇل بولۇپ، كولادا نۇرغۇن كاربون تۆت ئوكسىدى بولۇپ، تېخىمۇ ئاسان مەست قىلىدۇ. بۇنىڭدىن باشقا، كولادا يەنە كۆپ مىقداردا كوففېئىن بار بولۇپ، ئىسپىرت ۋە كوفېئىننىڭ ئورتاق غىدىقلىشى ئاستىدا، يۈرەك مۇسكۇلى ئىقتىدارى ئېشىپ كېتىپ، يۈرەك مۇسكۇل قان تومۇر سىستېمىسىدا كېسەللىك پەيدا قىلىدۇ.
3. ئاق ھاراققا قىزىل كالا ئىچىملىكىنى قوشۇش
«مىڭ ئىستاكاندىمۇ مەست بولماسلىق» ئۈچۈن، قاچاندىن باشلاپ مودا بولغانلىقىنى بىلگىلى بولمايدىغان، ھاراققا قىزىل كالا ئىچىملىكىنى ئارىلاشتۇرۇش ئۇسۇلى بارلىققا كەلگەن، قىزىل كالا ئىچىملىكىنىڭ ئاساسلىق تەركىبى تائۇرېن، مەلۇم ئەھۋال ئاستىدا بەلگىلىك ساقلىقنى ساقلاش رولى بولىدۇ، لېكىن ئاق ھاراقنى ماسلاشتۇرغاندا يۈرەكنىڭ سوقۇش قېتىم سانى تېزلىشىپلا قالماستىن، يەنە جىگەرنىڭ ماددا ئالماشتۇرۇش ئىقتىدارىغا تەسىر يەتكۈزۈپ، جىگەرنىڭ يۈكىنى ئېغىرلاشتۇرۇۋېتىدۇ.
ئۇنداقتا قانداق ماسلاشتۇرسا ئەڭ ساغلام بولىدۇ دىگەن سۇئالغا كەلسەك، ئاز ئىچىش ياكى ئىچمەسلىك ھەممىدىن ساغلام.
مەنبە:
https://m.nur.cn/news/2023/12/18950907.shtml
