نەملىكنى ساقلاشتا يۇقۇرى دەرىجىلىك سۇ تولۇقلاش يۈزلۈكى، ھەسەل ۋە ئۆرۈك مېغىزى مېيىغا مۇۋاپىق مىقداردا ئۇن ئارىلاشتۇرۇپ مەلھەم قىلىپ يۈزگە چاپلاپ بەرس ە، ياكى نەمخۇشلۇقى يۇقۇرى بولغان تېرە نەملەشتۈرۈش ۋازىلىن مېيى سۈرۈپ بەرسە، قۇرغاق تېرىگە سۇ تولۇقلاشقا پايدىلىق
تېرىسى قۇرغاق خانىم – قىزلار قىش پەسلىدە يۈز يۇيۇش سۇيۇقلۇقىنى كۆپ ئىشلەتمەسلىكى كېرەك . كۈندە پەقەت بىر قېتىملا يۈز يۇيۇش سۇيۇقلىقىدا يۈز يۇيۇشى، تەركىبىدە ھەسەل، كالا سۈتى ۋە ۋىتامىن ُE قاتارلىقلار مول بولغان يۈز يۇيۇش سۇيۇقلۇقىنى تاللاپ ئىشلىتىشى كېرەك . قۇرغاق تېرىدە سۇ ئىنتايىن كەمچىل بولغانلىقتىن، يۈز تازىلاش سۇيۇقلۇقىدا يۈزنى كۆپ يۇغاندا، تېرىنىڭ نەملىكىگە كاپالەتلىك قىلغىلى بولمايدۇ، كۈندە كەچتە بىر قېتىم ئىشلىتىپ، ئەتىگىنى ئورنىدىن تۇرغاندىن كېيىن ئىلمان سۇ بىلەن يۈزنى يۇيىۋەتسىلا بولىدۇ.
يۈزنى يۇيۇپ بولغاندىن كېيىن، نەملەشتۈرۈش تۈرىدىكى سۇنى ئىشلىتىش كېرەك . ئادەتتە نۇرغۇن خانىم – قىزلار، بۇنىڭغا ئانچە ئېتىۋار بەرمەيدۇ. يۈزگە نەملەشتۈرۈش تۈرىدىكى سۇنى سۈرۈپ بەرگەندە تېرىنىڭ تارتىشىپ قېلىشىنىڭ ئالدىنى ئالىدۇ ھەم تېرە ئۈچۈن بىر قەۋەت ئاسراش پەردىسى شەكىللىنىدۇ. تېرە قۇرغاقلىشىپ بولغاندا تەدبىر قوللانماستىن، ئەڭ ياخشىسى تېرە نەم ۋاقىتتىلا سۇ تولۇقلايدىغان، يۇقۇرى نەملىككە ئىگە مايلارنى سۈرۈش كېرەك. قىش پەسلىدە تېرىدىكى سۇ تەركىپلەر ئاسان يوقاپ كېتىدۇ، كۈندۈزلۈك ۋە كېچىلىك مايلارمۇ تېرىنىڭ چوڭقۇر قاتلىمىغىچە سىڭىپ كىرەلمەيدۇ، شۇڭا ھەر ھەپتىدە ئاز بولغاندا بىر قېتىم نەملىك تولۇقلايدىغان يۈزلۈك ئىشلىتىش لازىم.
بازاردىكى تەييار يۈزلۈك مەھسۇلاتلىرىسدىن باشقا، ئەلۋەتتە يەنە تەبىئىي ماتېرىياللاردىنمۇ پايدىلىنىشقا بولىدۇ. مەسىلەن، چاي يوپۇرمىقىنىڭ تېرىنى نەملەشتۈرۈش رولى بار. قىزىل چاي يوپۇرمىقى تەركىبىدە ۋىتامىن Cمول بولۇپ، قېرىشقا قارشى تۇرۇش ئۈنۈمى بار. قىزىل چاي يوپۇرمىقى بىلەن شېكەرنىڭ ھەر ئىككىسىدىن 20 گرام ئېلىپ قايناق سۇدا ئارلاشتۇرۇپ، ئاندىن يەنە ئازراق ئۇن قوشۇپ ئۇماچ ھالەتكە كەلتۈرۈپ، ھەپتىدە ئىككى قېتىم يۈزگە سۈرۈپ بەرسە، بىر ئاي ئىچىدە تېرە يۇمران ھالەتكە كېلىدۇ، ئۇنىڭدىن باشقا ئائىلىدە مېۋىدىن تەييارلانغان يۈز ئاسراش مەلھەملىرىمۇ تېرىنىڭ نەملىكىنى ئاشۇرۇشتا ئۈنۈملۈك رول ئوينايدۇ .
