روھىي كېسەللىكلەرگە رىتسىپلار
تەشۋىشلىنىش كېسەللىكى
تەركىبى:كالا سۈتى،تۇخۇم،شېكەرياكى ھەسەل مۇۋاپىق مىقتاردا.
ياساش ئۇسۇلى:يۇقىرىقىلارنى قوشۇپ چاي تەييارلىنىدۇ.
شىپالىق رولى:نىرۋا ئاجىزلىق ۋە تەشۋىشلىنىش كېسەللىكىگە شىپا قىلىدۇ.
ئىشلىتىش ئۇسۇلى:ئۇسسۇزلۇق ئورنىدا دائىم ئىچىپ بەرسە بولىدۇ.
قورقۇنچاقلىق كېسەللىكى
تەركىبى:بادام مىغىزى100گىرام،پىندۇق مېغىزى 50گىرام،ناۋات 300گىرام.
ياساش ئۇسۇلى:بادام مېغىزىنى قايناق سۇغا بەش مىنۇت ئەتراپىدا چىلاپ ،سىرتقى پوستىنى پاكىز ئېلۋىتىپ قۇرۇتۇپ،پىندۇق مېغىزى ۋە ناۋات بىلەن بىرلەشتۈرۈپ سوقۇپ تەييارلىنىدۇ.
شىپالىق رولى:مېڭىنى كۈچلەندۈرۈپ قورقۇنچاقلىق كېسەللىكىگە ياخشى مەنپەئەت قىلىدۇ.
ئىشلىتىش ئۇسۇلى:كۈندە 1-2ۋاخ ،مۇۋاپىق ئىستىمال قىلسا بولىدۇ.
خامۇشلۇق كېسەللىكى
تەركىبى:سۈت 20گىرام،ھەسەل 10گىرام،بادام 10گىرام.
ياساش ئۇسۇلى:بادام مېغىزىنى پاكىزلەپ سوقۇپ،سۈت ۋە ھەسەل بىلەن ئارلاشتۇرۇپ تەييارلىنىدۇ.
شىپالىق رولى:خامۇشلۇققا مەنپەئەت قىلىدۇ.
ئىشلىتىش ئۇسۇلى:كۈندە بىر قىتىم،بىراقلا ئىستېمال قىلسا بولىدۇ.
تەركىۋى:ئات يۈرىكى 100گىرام،زىغىر مېيى 20گىرام.
ياساش ئۇسۇلى:ئاتنىڭ يۈرىكىنى زىغىر مېيىدا قورۇپ تەييارلىنىدۇ.
شىپالىق رولى:خامۇشلىققا ياخشى مەنپەئەت قىلىدۇ،نىرۋا خىزمىتىنى ياخشىلايدۇ.
ئىشلىتىش ئۇسۇلى:ئىھتىياجىغا قاراپ تەييارلاپ بىراقلا ئىستىمال قىلسا بولىدۇ.
گۇمانخورلۇق كېسەللىكى
تەركىۋى:ئۆچكە سۈتى مۇۋاپىق مىقتاردا.
ياساش ئۇسۇلى:ساغلام ئۆچكىدىن سېغىپ ئېلىندۇ.
شىپالىق رولى:نىرۋا خىزمىتىنى ياخشىلاپ،گۇمانخورلۇق كېسەللىكىگە مەنپەئەت قىلىدۇ.
ئىشلىتىش ئۇسۇلى :ئۇسسۇزلۇققا ئىچىپ بېرىلسە بولىدۇ.
جىنسى غەيرى ھالەت
تەركىبى:ئۆرۈك قېقى100گىرام،شېكەر 300 گىرام.
ياساش ئۇسۇلى:ئۆرۈك قېقىنى مۇۋاپىق مىقتاردىكى سۇدا قاينىتىپ ،يۇمشاتقاندىن كىيىن سۈزۈپ ئىلىۋالىمىز.سۈيىگە شېكەرنى قوشۇپ قاينىتىپ،سۇيۇقراق قىيام بولغاندا ئۆرۈك قېقىنى سىلىپ،سۇس ئوتتا 10مىنۇت قاينىتىپ مۇراببا تەييارلىنىدۇ.
شىپالىق رولى:كەيپىياتنى تۇراقلاشتۇرۇپ،ۋەسۋەسىنى يوقىتىدۇ،روھى ئامىللاردىن بولغان جىنسى ئاجىزلىققا مەنپەئەت قىلىدۇ.
ئىشلىتىش ئۇسۇلى:كۈندە ئۈچ ۋاخ،ھەر قىتىمدا 1-2قوشۇقتىن ئىستېمال قىلسا بولىدۇ.
ئەقلىي ئاجىزلىق(دۆتلۈك)
تەركىبى:گۈرۈچ بىر كىلوگىرام،سۈت بىر يىرىم كىلوگىرام،ئاق شېكەر مۇۋاپىق مىقتاردا.
ياساش ئۇسۇلى:گۈرۈچنى يۇيۇپ تازلاپ،قازانغا سىلىپ قاينىتىپ،پىشقاندىن كىيىن سۈتنىڭ گۈرۈچكە سىڭىش ئەھۋالىغا قاراپ،بىر نەچچە قېتىمغا بۆلۈپ سۈت قۇيۇلىدۇ.ئاش داۋاملىق ئارلاشتۇرۇپ تۇرۇلىدۇ.گۈرۈچ سۈتنى پۈتۈنلەي سىڭدۈرۈپ بولغاندىن كىيىن،ئازراق دەم يىگۈزۈپ تەييارلىندۇ.
شىپالىق رولى:نېرۋا ئاجىزلىققا ياخشى مەنپەئەت قىلىدۇ.
ئىشلىتىش ئۇسۇلى:ھەر كۈنى ئەتىگەندە ناشتىلىققا ئىستىمال قىلسا بولىدۇ.
