سوغۇقتىن بولغان باش ئاغرىقى: باش ۋە پىشانە سوغۇق بىلىنىدۇ، ئىسسىق ھاۋا ياكى ئوتنىڭ ئالدىدا ئولتۇرغاندا ۋە ياكى ئىسسىق ئۆتكۈزگەندە ئاغرىق پەسىيىدۇ.
رېتسىپ 60 گرام پىننە ۋە مۇۋاپىق مىقداردا ئارپا ئۇنى تاييارلاپ پىننىنى يۇمشاق سوقۇپ، ئارپا ئۇنى بىلەن مەلھەم ياساپ، ھەر كۈنى مۇۋاپىق مىقداردا پېشانىگە چىپىپ بەرسە، سوغۇقتىن بولغان باش ئاغرىقىغا مەنپەئەت قىلىدۇ.
ئىسسىقتىن بولغان باش ئاغرىقى: باش ۋە پېشانە ئىسسىق بىلىنىدۇ، بۇرۇن ۋە گال قۇرۇيدۇ. كۆپ ئۇسسايدۇ. سوغۇق نەرسىلەرنى ئېستىمال قىلغاندا ياكى سوغۇق ھاۋاغا ئۇچراشقاندا ئاغرىق پەسىيىدۇ.
1-رېتسىپ بىر دانە خام قاپاق، مۇۋاپىق مىقداردا تەمرى ھىندى بىلەن شېكەر تەييارلاپ، خام قاپاقنى سىقىپ سۈيىنى چىقىرىپ، پىسىپلىرىنى سۈزۈۋېتىپ، تەمرى ھىندى ۋە شېكەر بىلەن بىللە قاينىتىپ، سۈيىنى كۈندە ئىككى قېتىم مۇۋاپىق مىقداردا ئىچىپ بەرسە، ئىسسىقتىن بولغان باش ئاغرىقىغا مەنپەئەت قىلىدۇ.
2- رېتسىپ 50 گرام كۆك يۇمغاقسۈتنى ۋە مۇۋاپىق مىقداردا ئاچچىقسۇنى تەييارلاپ، يۇمغاقسۈتنى پاكىز يۇيۇپ، ئېزىپ ئاچچىقسۇ بىلەن ئارىلاشتۇرۇپ، مەلھەم قىلغاندىن كېيىن، پېشانە ياكى چېكىگە مۇۋاپىق مىقداردا چېپىپ بەرسە ئىسسىقتىن بولغان باش ئاغرىقىغا مەنپەئەت قىلىدۇ.
جەۋھەر رېتسىپلاردىن ئېلىندى
