ھامىلىلىكنىڭ 11-ھەپتىسى
ھەقىقىي ھامىلەلىكنىڭ 9 -ھەپتىسى
تۆرەلمە بوۋاق ھازىر 2 سانتىمېتىر ئەتراپىدا بولغان بولۇشى مۇمكىن. كۆز قاپاقلىرى، قۇلاقلىرى شەكىللىنىپ تەرەققىي قىلىدۇ. ئېغىز بوشلۇقىدىكى چىش چىقىدىغان ئورۇنلار شەكىللىنىشكە باشلايدۇ. سىز ھىس قىلالمىغان بولسىڭىزمۇ، ئەمما بوۋىقىڭىز ئاستا ئاستا پۇت قوللىرىنى مىدىرلىتىشقا باشلىدى دىسەك بولىدۇ.
تۆرەلمە بوۋاقنىڭ يۈرەك، بۆرەك، جىگەر قاتارلىق ئاساسلىق ئورگانلارنىڭ شەكىللىنىپ تەرەققىي قىلىشى داۋاملىشىدۇ. مۇسكۇل ۋە سۆڭەكلىرىنىڭ شەكىللىنىشى ئۈچۈن ۋىتامىن د گە ئىھتىياجى سەل ئاشىدۇ. بېلىق، سۈت، تۇخۇملار ۋىتامىن د نى تولۇقلاشقا پايدىسى بولىدۇ.
ئانىلارنىڭ قوساق قىسمى سەل كۆپىدۇ، ئەمما ھامىلىدەك كۆرۈنمەيدۇ. ئەمما ھامىلە بولغانلىقىڭىزنى خېلى ئوبدان ھىس قىلالايسىز. ئالدىنقى 12 ھەپتە، ھامىلىلىكنىڭ بىرىنجى دەۋرى ھىساپلىنىدۇ. بۇ دەۋىردە ھامىلە رولىغا تولۇق كىرىپ بولغۇچە، كەيپىياتنىڭ تۇراقسىز بولۇشى ئاساسلىق بىر ئالامەت ھىساپلىنىدۇ. بۇنىڭ سەۋەبى ھورموننىڭ تەڭپۇڭسىزلىق سەۋەبىدىن كېلىپ چىقىدۇ. بۇ ھورمون تەڭپۇڭسىزلىقى ھارغىنلىق، قۇرۇق ھۆ تۇتۇش، ھەزىم قىلىش سىستېمىسىنىڭ تەڭپۇڭسىزلىقلارنىمۇ كەلتۈرۈپ چىقىرىدۇ.
بۇ ھەپتىلەردە كۆپرەك ئارام ئېلىش، كۆپرەك ئۇخلىسىڭىز، سىز ھەم بوۋىقىڭىز بىللە پايدا كۆرىسىز. بۇ ھەپتىلەردە قوسىقىڭىزدىكى تۆرەلمە سىز يىگەن بارلىق يىمەكلەرنىڭ ئىچىدىكى ئوزۇقلۇقلارنى ھىس قىلالايدۇ. شۇڭا زىيادە سوغۇق، ئاچچىق، چۈچۈك، ئەخلەت يىمەكلىكلەرنى ئىستىمال قىلىشتىن ساقلانسىڭىز بەك ياخشى بولىدۇ.
بۇنىڭدىن سىرت ئالدىنقى ھەپتىلەردە قىلىنغان تەۋسىيەلەرنىمۇ كۆرۈپ بېقىشىڭىزنى ئۈمىد قىلىمىز.
