دىيابېت كېسەللىكى بەدەندىكى ئىنسۇلىننىڭ مۇتلەق ياكى نىسپىي يېتىشمەسلىكىدىن ياكى توقۇلمىلارنىڭ ئىنسۇلىنغا بولغان سەزگۈرلۈكىنىڭ تۆۋەنلىكىدىن كېلىپ چىقىدىغان بىر خىل يىغىندى ئالامەت
ئۇنىڭدا ئۇسساش، كۆپ سىيىش، كۆپ ئىچىش، كۆپ يېيىش، ھارغىنلىق ۋە بەدەن ئېغىرلىقى يېنىكلەش قاتارلىق كىلىنىكىلىق ئىپادىلەر كۆرۈلىدۇ.
يەنە بىر قىسىم كىشىلەردە يۇقىرىقىدەك كىلىنىكىلىق ئىپادىلەر كۆرۈلمەيدۇ. دىيابېت كېسەللىكى كېتونلۇق كىسلاتادىن زەھەرلىنىش ياكى باشقا بىر خىلدىكى ئوتتۇرا خاراكتېرلىك مېتابولىزم قالايمىقانلىشىش كەلتۈرۈپ چىقىرىپ، بىمارنىڭ ھاياتىغا بىۋاسىتە تەسىر يەتكۈزىدۇ.
ئۇنىڭدىن باشقا، ئۇ يەنە كۆپلىگەن سوزۇلما خاراكتېرلىك ئەگەشمە كېسەللىكلەرنى، مەسىلەن: يۈرەك مۇسكۇل تىقىلمىسى، سۇسىزلىنىش، بۆرەك زەئىپلىشىش كېسىلىگە سەۋەبچى بولۇش ۋە مېڭە قان تومۇر كېسەللىكلىرى قاتارلىقلارنى كەلتۈرۈپ چىقىرىدۇ.
دىيابېت كېسەللىكىنىڭ كېلىپ چىقىش سەۋەبى ئىرسىيەت ئامىلى، ۋىرۇستىن يۇقۇملىنىش، ئۆز بەدەن ئىممۇنىتېتىنىڭ ئۆزگىرىشى، يېمەكلىك، جىسمانىي ھەرىكەت، ھامىلىدارلىق قاتارلىق ئامىللار بىلەن مۇناسىۋەتلىك.
