باشپىياز:
باشپىياز تەركىبىدە ئوزۇقلۇق ماددا مول بولۇپ ، قان تومۇرلارنى كېڭەيتىپ ، قان ئايلىنىشنى تېزلىتىدۇ . تېببىي تەتقىقاتقا قارىغاندا ، باشپىيازدىكى ھەرخىل ۋىتامىنلار ئادەم بەدىندىكى ھورمۇنلارنىڭ نورمال ئاجىرلىشىغا كاپالەتلىك قىلىدىكەن ھەم ئادەمنىڭ ھېسىياتىنى قوزغاپ ، بەدەننى قۇۋۋەتلەيدىكەن . پىيازنى قورۇپ ياكى خام يېسىمۇ ، تېتىتقۇ ئورنىدا ئىشلەتسىمۇ بولىدىكەن .
كۈدە :
كۈدىنىڭ مىجەزنى مۆتىدىللەشتۈرۈش ، بۆرەكنى قۇۋۋەتلەش ئۈنۈمى بار . كۈدە ئادەمنىڭ زېھنىي قۇۋۋىتىنى ئاشۇرۇش بىلەن بىللە ، ئەرلەردىكى جىنسى توسالغۇ قاتارلىق كېسەللىكلەرگە ناھايىتى ياخشى شىپا بولىدۇ . شۇڭا قەدىمكى كىتابلاردا : كۈدە بۆرەكنى قۇۋۋەتلەيدىغان ئۆسۈملۈك دورا، دەپ ئاتالغان .
كۈدىدە ئاقسىل ، ياغ ، كاربونلۇق سۇ بىرىكمىسى ، كاروتىن ۋە ۋىتامىنC مول بولغاندىن سىرت، يەنە كالتىسىي، فوسفور، تۆمۈر قاتارلىق مېنىرال ماددىلار بار . ئەرلەر ئۈچۈن ئېيتقاندا، كۈدە-راك قورىمىسى ياكى كۈدە-تۇخۇم قورىمىسى بۆرەكنى قۇۋۋەتلەيدىغان ئەڭ ئاددى ۋە ئۈنۈملۈك قورۇما. لېكىن شۇنىڭغا دىققەت قىلىش كىرەككى، كۈدە تەستە ھەزىم بولىدۇ، بىر قېتىمدا بەك كۆپ يېيىشكە بولمايدۇ . ئىچى پۇشىدىغان، چىرايى قىزىرىدىغان، ئاغزى قۇرۇپ كەتسىمۇ سۇ ئىچكۈسى كەلمەيدىغانلار ، سوغوق تەرلەيدىغانلار ئەڭ ياخشىسى كۈدىنى ئاز يېيىشى ، رېئاكسىيە بېرىدىغانلار يېمەسلىكى كېرەك .
غولپىياز :
رىم دوختۇرلىرى غولپىيازنى ئىشتەي ئاچىدىغان دورا ئورنىدا ئىشلەتكەن ؛ ھىندىستانلىقلار غولپىيازنى‹‹جىنسى ھورمۇن›› دەپ ئاتىغان . يېقىنقى زامان تېبابىتىدە بايقىلىشچە ، غولپىياز ياللۇغنى تزگىنلەپ ، سۈيدۈكنى راۋانلاشتۇرۇپ ، ئىچ سۈرۈشنى توختىدىكەن ، قاندىكى قەنت تەركىبىنى ، ياغنى ، خولېستېرول ۋە قان بېسىمىنى تۆۋەنلىتىدىكەن . ئۇ ھازىرچە بايقالغان، تەركىبىدە پروستاگلاندىن(مەزى بېزى پىگمېنتى)بار بىردىنبر ئۆسۈملۈك بولۇپ ، مەزى بېزىنى قوغدايدىكەن ھەم بۆرەكنى قۇۋۋەتلەيدىكەن .
