شۆلگەينىڭ ئىچىدە ھەقىقەتەن ئەيدىز ۋىرۇسىنى تەكشۈرۈپ چىقارغىلى بولىدۇ ، لېكىن ئەيدىز ۋىرۇسىنىڭ مىقدارى ناھايىتى ئاز ئەيدىز ۋىرۇسى مىقدارى پەقەت مەلۇم بىر مىقدارغا يەتكەندىلا ئاندىن يۇقۇملىنىشنى كەلتۈرۈپ چىقىرىدۇ
بەزى كىشىلەر ھېسابلاپ باققان بولۇپ ، شۆلگەينىڭ ئىچىدىكى ئەيدىز ۋىرۇسىنى يۇقۇملۇق دەرىجىدە كۆپەيتىش ئۈچۈن ، بىر قېتىمدا 20 مىللىلېتىردىن يۇقىرىراق (3~4 قوشۇق) ئەيدىز كېسىلى بار ئادەمنىڭ شۆلگيىنى يۈتۈش كېرەك .
ئۇنىڭدىن سىرت ئامېرىكا ئالىملىرى يەنە ئادەمنىڭ شۆلگىيىدە بىر خىل ” ئاجراتمىلىق ئاق قان ھۆجەيرە تورمۇزلىغۇچى ئاقسىل فېرمېنتى ” نى بايقىغان . بۇ خىل ئاقسىل مادىسى تەجرىبە نەيچىسى ئىچىدە ئۈنۈملىك ھالدا ئەيدىز ۋىرۇسى بىلەن يۇقۇملانغان بىمارنىڭ بەدىنىدىكى ئىممۇنىت ھۆجەيرىسىنى تورمۇزلىغان ، شۇڭلاشقا ئادەتتىكى سۆيۈشۈش ، بىرلىكتە غىزالىنىش ، يۆتىلىش ، چۈشكۈرۈش قاتارلىقلار ئەيدىز ۋىرۇسىغا يۇقۇملىنىشنى كەلتۈرۈپ چىقارمايدۇ .
ھازىرغىچە بولغان دوكلاتلاردا شۆلگەي ئارقىلىق يۇقۇملانغان ئەھۋاللىرى كۆرۈلمىگەن . لېكىن ، ئەيدىز ۋىرۇسى بىلەن يۇقۇملانغۇچىلاردا ئېغىز بوشلۇقى يارىسى ، ھەم چىش مىلىكى قاناش ئەھۋاللىرى بار ۋاقىتتا سۆيۈشۈش ، ھەم ئېغىز بىلەن لەززەتلەندۈرۈش بولغاندا ، ئەيدىز ۋىرۇسى يۇقۇملانغۇچىنىڭ ئىسپىرمىسى ئېغىزغا كىرىپ كەتكەندە ، ئەيدىز ۋىرۇسى ئېغىز بوشلۇقىدىكى شىللىق پەردىسى ئارقىلىق قانغا كىرىش ئەھۋاللىرى يۈز بېرىپ ، ئەيدىز كېسىلىگە گىرىپتار بولۇش ئېھتىماللىقى ناھايىتى يۇقىرى بولىدۇ .
