قانۇنلۇق ئەر-ئايال ، ئىككىلا تەرەپتە ئەيدىز كېسىلى گىرىپتار بولمىغان ، جىنسىي مۇناسىۋەتتە بىر بىرىگە سادىق بولسا ، بۇ چاغدىكى جىنسىي مۇناسىۋەت بىخەتەر بولىدۇ لېكىن تويدىن بۇرۇن ، مۇھەببەتلىشىۋاتقان ئوغۇل قىزلارنىڭ ئوتتۇرىسىدىكى جىنسىي مۇناسىۋەت بىخەتەرلىك جەھەتتىن تۆۋەن بولىدۇ. شۇڭلاشقا تويدىن بۇرۇن مەيلى قىز تەرەپ بولسۇن، ياكى ئوغۇل تەرەپ بولسۇن، جىنسىي مۇناسىۋەتتە بولماسلىقنى تەۋسىيە قىلىمىز.
چۈنكى تويدىن بۇرۇن ، قانۇن قىز ئوغۇل ئارا مۇناسىۋەتكە تورمۇزلاش ، چەكلەش رولى بولمايدۇ ، ھەمدە ئىدىيە-ئەخلاق نىڭ چەكلەش رولى ياشلارغا نىسبەتەن چەكلىك بولغاچقا ، جىنسىي مۇناسىۋەت جەھەتتە ئىككىلا تەرەپ ھېچقانداق مەسئۇلىيەت ئالغىسى كەلمەي قالىدۇ .
بۇنداق ئەھۋال ئاستىدا ، مۇھەببەتلىشىۋاتقان ۋاقىت داۋالغۇش ئەڭ ئېغىر ۋاقىت ، شۇڭلاشقا بۇنداق ۋاقىتتىلا جىنسىي مۇناسىۋەت ئۆتكۈزۈش ئەھۋاللىرى كۆرۈلسە ، مۇھەببىتىدىن ئايرىلىپ كېتىپ قالسا ، ياكى ئاستىرتتىن باشقىلار بىلەنمۇ مۇناسىۋەت ئۆتكۈزسە ، بۇ ئەمەلىيەتتە قالايمىقان جىنسىي مۇناسىۋەتنى شەكىللەندۈرىدۇ . بۇنداق قالايمىقان جىنسىي مۇناسىۋەت ئەيدىز كېسىلىنىڭ يۇقۇشىنىڭ يۇقىرى خەتەرلىك ئامىللىرىنىڭ بىرى .
شۇڭلاشقا ياشلار ،ھەرقانچە بىر بىرىسىنى قانچىلىك ياخشى كۆرسۈن ، پەقەت توينىڭ ئالدىدا جىنسىي مۇناسىۋەت ئۆتكۈزمىگەنلىكىگە كاپالەتلىك قىلالىسىلا ، تويدىن بۇرۇنقى تەكشۈرۈشتە ، ئەيدىز ۋىرۇسى تەكشۈرۈشىدىن ئوڭۇشلۇق ئۆتكىلى بولىدۇ ھەمدە تويدىن كېىينكى تۇرمۇش ياخشى بولىدۇ .
بەزى كىشىلەر ئاگاھلاندۇرۇشنى قوبۇل قىلمىسا قانداق قىلىش كېرەك ؟
كەچۈرۈڭ ، بىر قىسىم كىشىلەر ئەيدىز كېسىلىگە گىرىپتار بولغانغا ئوخشاش ، بىز ھەممە كىشىلەرنى قايىل قىلالىشىمىز ناتايىن ، لېكىن ئەقلى بارلا كىشىلەر ، ئۆزىنى ، ھاياتىنى ، ھەم كەلگۈسىدىكىنى كۆزلىسە ، ھەم كۆرەلىسە ، چوقۇملا ئاگاھلاندۇرۇشنى ئاڭلايدۇ .
