مۇتەخەسسىسلەرنىڭ قارىشىچە ، سۆڭەك شالاڭشىش كېسىلى ياشانغانلاردا كۆپرەك كۆرۈلىدىكەن بولۇپمۇ 60 ياشتىن ھالقىغان ئاياللارنىڭ بۈ كېسەلگە گىرىپتار بولۇش نىسبىتى %70 كە يېتىدىكەن شۇڭا سۆڭەك شالاڭشىش كېسىلىنىڭ ئالدىنى ئېلىشنى بالىلىقتىن باشلاش كېرەك
سۆڭەك شالاڭشىش كېسىلى سۆڭەك زىچلىقىنىڭ تۆۋەنلەپ كېتىشى ۋە سۆڭەك توقۇلمىلىرىدىكى مىكرو قۇرۇلمىلارنىڭ رودمېدلىشىشدىن پەيدا بولىدىغان بىر خىل سۆڭەك كېسىلى بولۇپ ، 0—20 ياشقىچە بولغان مەزگىل سۆڭەكلەرنىڭ تېز ئۆسۈۋاتقان مەزگىلى ، 20—30 ياشقىچە سۆڭەكلەرنىڭ بىر قەدەر ئاستا ئۆسۈش مەزگىلى ھېسابلىنىدىكەن .
شۇڭا ئۆسمۈرلەر–بالىلار ۋە ياشلار كۆپرەك كالتىسىي تولۇقلاپ ، سۆڭەكلەرنىڭ تويۇنۇپ يېتىلىشىگە كاپالەتلىك قىلىشى كېرەك ئىكەن . ئۆسمۈر بالىلار ۋە ياشلار كالتىسىي تولۇقلاشتا يېمەكلىكنى ئاساس قىلىشى يەنى تەركىبىدە كالتىسىي مول بولغان سۈت ، دېڭىز مەھسۇلاتلىرى ، شورپا ، كۈنجۈت قىيامى قاتارلىقلارنى كۆپرەك ئىستېمال قىلىش بىلەن بىللە ، يەنە كۆپرەك ئاپتاپقا قاقلىنىپ بېرىشى كېرەك ئىكەن .
ئاياللار ھەيز توختىغاندىن كېيىن ھەر كۈنى ئاز دېگەندىمۇ 800 مىللىگرام كالتىسىي تولۇقلىشى ، ئەرلەر كالىتسىي تولۇقلىغاندىن سىرت ، كوللاگېنلىق يېمەكلىكلەرنى كۆپرەك ئىستېمال قىلىپ سۆڭەكنىڭ ئەۋرىشملىكنى ئاشۇرۇشى كېرككەن .
ياشانغانلار ھەزىم قىلىش ئىقتىدارىنىڭ ئاجىزلىشىشى سەۋەبلىك يېتەرلىك كالتىسىيغا ئېرىشەلمەيدۇ . شۇڭا كالىتسىينىڭ بەدەنگە قوبۇل قىلىنىشىنى ئىلگىرى سۈرىدىغان بىر قىسىم دورىلارنىڭ ياردىمىدە كالىتسىي تولۇقلىسا بولىدىكەن .
ئۈرۈمچى كەچلىك گېزىتىدىن ئىلىندى
يوللىغۇچى : ئالىمجان ماخمۇت
