كۆيۈپ قالغاندا. ياشانغانلار سۇيۇقلۇقتا كۆيگەن بولسا، كىيىمنىڭ سۇيۇقلۇققا چىلاشقان قىسمىنى دەرھال كېسىۋېتىش، كىيىم تېرىگە چاپلىشىپ قالغان بولسا كۈچەپ سويماي، ئاۋۋال چاپلاشمىغان قىسمىنى كېسىۋېتىش لازىم؛
يارىنى داۋالاشقا تەسىر يەتكۈزمەسلىك ئۈچۈن قايچىنى يارا ئېغىزى، قاپارتقۇلارغا تەگكۈزمەسلىك، گېنتىئان ئېرىتمىسى، مېركۇرو خىروم ۋە باشقا دورا مەلھىمىنى سۈرتمەسلىك لازىم؛
يارىنى سۈزۈك سۇ بىلەن يۇيۇپ، ئاندىن پاكىز لاتا بىلەن تېڭىپ، يۇقۇملىنىشنىڭ ئالدىنى ئېلىش لازىم.
تېرە كۈچلۈك كىسلاتا، كۈچلۈك ئىشقاردا كۆيگەن بولسا، سۈزۈك سۇ بىلەن پاكىز يۇيۇۋېتىش لازىم. كۆز كۆيگەن بولسا، فىزىئولوگىيەلىك تۇز سۈيى بىلەن يۇيۇپ، پاختا پەلكۈچ بىلەن سۈرتۈپ، غەيرىي ماددىلارنى چىقىرىۋېتىش كېرەك. قول – پۇت كۆيۈك يارىسىنى تاڭغاندا، بارماقلارنى ئايرىۋېتىش كېرەك. كۆيۈك يارىسى ئېغىر بولسا ۋاقتىدا دوختۇرخانىغا ئاپىرىپ داۋالىتىش لازىم.
قايناق سۇدا كۆيگەن بولسا، يارىنىڭ ئېغىرلىشىپ كېتىشىدىن ساقلىنىش ئۈچۈن، قايناق سۇ مەنبەسىنى ئۈزۈۋېتىش كېرەك. كۆيگەن جايدىكى كىيىم، ئاياغ، پايپاقنى كېسىۋېتىپ ياكى يىرتىۋېتىپ، سوغۇق سۇ بىلەن يارىنى يۇيۇپ ھارارەتنى پەسەيتىش لازىم. كۆيگەن يەر چوڭراق بولسا پاكىز لۆڭگە ياكى كىرلىك بىلەن يارا ئورنىنى قوغداش ھەم ئىمكانقەدەر تېزدىن دوختۇرخانىغا بېرىپ داۋالىنىش لازىم.
مەمتىمىن ھاشىم تەييارلىغان
