دوختۇرلار تورى

تەن ساقلىق زور بايلىق

ئەيدىز كېسەللىكىنىڭ ئالدىنى ئالىدىغان 12 تۈرلۈك پىرىنسىپى

1. ئەيدىز كېسەللىكى توغرىسىدىكى ئالدىنى ئېلىش ساۋاتلىرىنى ئۆگىنىپ، ئۆزىدىكى قورقىنىچ ۋە تېڭىرقاپ قېلىش كەيپىياتىنى تۆگىتىش كېرەك. ئەيدىز كېسەللىكىگە ئىلمىي پوزىتسىيە تۇتۇپ، ئەيدىز كېسەللىكى بىمارلىرىنى كەمسىتمەسلىك كېرەك.

2. پاك دىيانەتلىك بولۇپ، ئۆزىنىڭ ھالال جۈپتىگە سادىق بولۇش كېرەك. جىنسىي ھەمراھى قانچە كۆپ بولسا ئەيدىز كېسەللىكنىڭ يۇقۇپ قېلىش ئېھتىماللىقى شۇنىچە چوڭ بولىدۇ.

3. ئۆز جۆرىسىنى چوڭقۇر چۈشىنىش، ئۇنىڭ يۈرۈش- تۇرۇشى ۋە ئەخلاق – دىيانىتىنى كۆزىتىپ تۇرۇش ، تالاغا قاراش ۋە زەھەرلىك چىكىملىك چىكىش قاتارلىق ئىللەتلەرنى يۇقتۇرۋالماسلىقىغا دىققەت قىلىش كېرەك.

4. جىنسىي ھەمراھىڭىزنىڭ ئەزايى – تۇرقىدىن قانچىلىك دەرىجىدە ساغلام ئىكەنلىكى چىقىپ تۇرسىمۇ ئەيدىز ۋىرۇسىدىن يۇقۇملانغان بولۇش مۇمكىنچىلىكىنى نەزەردىن ساقىت قىلماڭ!

5.جىنسىي تۇرمۇشتا، سۈپىتى ئىشەنچىلىك بولغان ھامىلىدارلىقتىن ساقلىنىش قاپچۇقىنى توغرا ئۇسۇلدا ئىشلىتىڭ.

6. ئۆزىڭىزنى قوغداش شارائىتى بولمىغان ئەھۋال ئاستىدا باشقىلارنىڭ قېنى ۋە زەخىملەنگەن يارا ئېغىزى بىلەن ھەپىلەشمەڭ. ئەڭ ياخشىسى شۇنداق چاغلاردا پۇختا بولغان سولياۋ پەلەي كېيىۋېلىڭ.

7. ئىشپىرىس ئىشلەتمەكچى بولسىڭىز يۇقىرى ئۆلچەمدە دېزېنفېكسىيە قىلىپ ئىشلىتىڭ. ئەڭ ياخشىسى ھەر بىر ئادەمگە بىر ئىشپىرىس ئىشلىتىش، ئىشلەتكەندە بىر قېتىملىق ئىشپىرىس ئىشلىتىش كېرەك.

8. باشقىلارنىڭ چىش چوتكىسىدا چىش چوتكىلاش ۋە باشقىلارنىڭ ساقال ئالغۇچىنى ئىشلىتىشتىن قاتتىق ھەزەر قىلىڭ. ساتراچخانىلاردا بولسا ساتراچنىڭ ئۇسترا ، تىغلىرنىڭ پاكىز بولۇشى ، ئالماشتۇرۇپ تۇرۇشىغا دىققەت قىلىڭ، ھەر قېتىم ئالماشتۇرۇشنى جىكىلەشنى ئۇنۇتماڭ.

9. تەكشۈرۈشتىن ئۆتمىگەن قان ۋە قان ياسالمىلىرنى ئىشلەتمەڭ.

10. بەدەنگە خەت ۋە رەسىم چەكمەڭ. تازىلىق ئۆلچىمى يۇقىرى بولمىغان ساتراچخانا ، ھورداقخانا، چىش دوختۇرخانىسى ( چىشخانا ) قاتارلىق جايلارغا بارماڭ.

11. جىنسىي كېسەللىڭىز بولسا، دەرھال ئۆز ۋاقىتدا داۋالىتىپ ساقىيىڭ. بولمىسا ئەيدىز كېسەللىكى ۋىرۇسىدىن يۇقۇملىنىش مۇمكىنچىلىكى ئارتىپ كېتىدۇ.

12. زەھەر چەكمەڭ. ئەگەر ئاللىقاچان زەھەرگە ئۆگىنىپ قالغان بولسىڭىز، باشقىلار بىلەن بىر ئىشپىرىسنى ئورتاق ئىشلىتىشتىن قەتىئىي ساقلىنىڭ.

مەزكۈر مەزمون قوشۇلغان ۋاقىت: 2021-04-22

مەزكۈر مەزمون ئاخىرقى قېتىم يېڭىلانغان ۋاقىت: 2021-03-28 / 08:03:45

سەمىمىي ئەسكەرتىش
بىكەتتىكى مەزمۇنلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما دىئاگنوز ئاساسى بولالمايدۇ. ئوخشىمىغان بىماردا ئوخشىمىغان ئالامەتلەر كۆرۈلىدۇ ۋە دىئاگنوزى ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم مۇنتىزىم دوختۇر بىلەن يۈز تۇرانە مەسىلىھەت ئېلىشىڭىزنى، دوختۇرخانىدا تەكشۈرتۈشىڭىزنى تەۋسىيە قىلىمىز.

باشقا يەرلەردىن ئېلىنغان بەزى مەزمۇنلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمۇنلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسەرنىڭ ئەسلى ئاپتورى ماقالىنىڭ تور بېكىتىمىزدە ئېلان قىلىنغانلىقى ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.

تور بېكىتىمىزدىكى مەزمۇنلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقىنى ۋەيا بىز ئەسكەرتكەن مەزمۇننىڭ ئەسلى مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئەمگەك مېۋىسىگە ھۆرمەت قىلىڭ.

نۇر دوختۇر Doctor Nur
نۇر دوختۇر Doctor Nurhttp://dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,656FansLike
697FollowersFollow
1,860SubscribersSubscribe

يېڭى مەزمونلار

مەخسۇس سەھىپىلەر