دوختۇرلار تورى

تەن ساقلىق زور بايلىق

يېمەكلىكتىن زەھەرلەنسە قانداق قىلىش كىرەك؟

يېمەكلىكتىن زەھەرلىنىش: بۇ باكتېرىيە خاراكتېرلىك زەھەرلىنىش، مەسىلەن، چوڭ تاياقچە باكتېرىيەلىك زەھەرلىنىش، خىمىيەلىك زەھەرلىنىش، مەسىلەن، دېھقانچىلىق دورا قالدۇقى ئۆلچەمدىن ئېشىپ كەتكەن يېمەكلىكلەردىن زەھەرلىنىش، زەمبۇرۇغدىن زەھەرلىنىش، مەسىلەن، موگۇدىن زەھەرلىنىش قاتارلىق بىر نەچچە تۈرگە بۆلىنىدۇ.

يېمەكلىكتىن زەھەرلەنسە، كۆڭلى ئېلىشىپ قۇسۇش، قورسىقى ئاغرىش، ئىچى سۈرۈش، قىزىش قاتارلىق ئالامەتلەر كۆرۈلىدۇ. قۇسۇش، ئىچى سۈرۈش ئېغىر بولسا سۇسىزلىنىش ھەتتا شوك بولۇش ئەھۋالى كۆرۈلىدۇ.

سەي پۇرچاقتىن زەھەرلىنىش:تولۇق پىشمىغان سەي پۇرچاق، دانىسى چوڭ ياكى زىيادە ئۇزۇن ساقلانغان سەي پۇرچاقتا زەھەرلىك ماددىلار كۆپ بولىدۇ. ئۇنىڭدىن باشقا سەي پۇرچاقنى قورۇش ۋاقتى قىسقا، قورۇش تېمپىراتۇرسى يېتەرلىك بولمىسا، زىيانلىق ماددىلار چىقىپ كەتمەيدۇ. بۇنى ئىستېمال قىلسا، ئاشقازان – ئۈچەي يوللىرىنى غىدىقلاپ، زەھەرلىنىشنى كەلتۈرۈپ چىقىرىپ، كۆڭلى ئېلىشىش، قۇسۇش، قورسىقى ئاغرىش، ئىچى سۈرۈش، باش قىيىش، دېمى سىقىلىش، سوغۇق تەرلەش، پۇت – قولى ئۇيۇشۇش ۋە مۇزلاش قاتارلىق ئالامەتلەر پەيدا بولىدۇ.

كېسەللىك ئەھۋالى يېنىك بولسا، بىمار بىرنەچچە كۈن ئارام ئالسا، ئۆزلۈكىدىن ياخشى بولۇپ كېتىدۇ. كېسەللىك ئەھۋالى ئېغىر بولسا دەرھال دوختۇرخانىغا ئاپىرىش كىرەك.

موگۇدىن زەھەرلىنىش:زەھەرلىك موگۇنى يەپ سالسا،بىر-ئىككى سائەتتىن كېيىن زەھەرلىنىدۇ. ئادەتتە قاتتىق ئۇسساش، ئىچى سۈرۈش، قورساق ئاغرىش، ئاغزىدن سۇ يېنىش، پۇت قوللىرى تىترەش، تۇيۇقسىز روھلىنىپ كېتىش قاتارلىق كېسەللىك ئالامەتلىرى كۆرۈلىدۇ.

زەھەرلىنىش ئەھۋالى يېنىك بولسا بىمارغا دەرھال كۆپ مىقداردا ئىلمان قايناق سۇ ياكى تۇز سۇيى ئىچۈرۈش، ئاندىن مەجبۇرىي ياندۇرغۇزۇۋېتىش كېرەك. كېسەللىك ئەھۋالى ئېغىر بولسا دەرھال دوختۇرخانىغا ئاپىرىش كېرەك.

نىترتلاردىن زەھەرلىنىش: نىترىتلارنى يەپ سالسا بىماردا مەيدىسى چىڭقىلىش، دېمى سىقىلىش، چىرايى سۆسۈن رەڭگە ئۆزگۈرۈش ئەھۋالى كۆرۈلىدۇ. ئەگەر نىترتلاردىن زەھەرلەنسە، بىمارغا كۆپ مىقداردا سۇ ئىچۈرۈش ۋە دەرھال دوختۇرخانىغا ئاپىرىش كىرەك.

مەزكۈر مەزمون قوشۇلغان ۋاقىت: 2021-09-05

مەزكۈر مەزمون ئاخىرقى قېتىم يېڭىلانغان ۋاقىت: 2021-06-12 / 07:50:51

سەمىمىي ئەسكەرتىش
بىكەتتىكى مەزمۇنلار تورداشلارنىڭ پايدىلىنىشى، ساغلاملىققا بولغان تونۇشىنى ئاشۇرۇش ئۈچۈن تەمىنلەنگەن ئۇچۇرلاردۇر. ئەمما دىئاگنوز ئاساسى بولالمايدۇ. ئوخشىمىغان بىماردا ئوخشىمىغان ئالامەتلەر كۆرۈلىدۇ ۋە دىئاگنوزى ئوخشىمايدۇ. شۇڭا بەدەندە كېسەللىك ئالامەتلىرى كۆرۈلگەندە چوقۇم مۇنتىزىم دوختۇر بىلەن يۈز تۇرانە مەسىلىھەت ئېلىشىڭىزنى، دوختۇرخانىدا تەكشۈرتۈشىڭىزنى تەۋسىيە قىلىمىز.

باشقا يەرلەردىن ئېلىنغان بەزى مەزمۇنلار، رەسىملەرنىڭ ئەسلى مەنبەسىنى ئەسكەرتىشكە تىرىشتۇق. باشقا يەردىن ئېلىنغان مەزمۇنلار پەقەت شۇ ئاپتور يازارنىڭ ئۆز كۆز قارىشىنى ئىپادىلەيدۇ، بېكىتىمىزنىڭ مەيدانىغا ۋەكىللىك قىلالمايدۇ. بۇنىڭدىن سىرت، ئەگەر ئەسەرنىڭ ئەسلى ئاپتورى ماقالىنىڭ تور بېكىتىمىزدە ئېلان قىلىنغانلىقى ئۆزىنىڭ شەخسىي مەنپەئىتىگە دەخلى قىلىندى دەپ ئويلىسا، بىز بىلەن ئالاقىلاشسىڭىز، ئەڭ قىسقا ۋاقىت ئىچىدە بىكەتتىن ئۆچۈرۋەتسەك بولىدۇ.

تور بېكىتىمىزدىكى مەزمۇنلارنى شەخسىي بېتىڭىزدە ئىشلەتمەكچى بولسىڭىز، دوختۇرلار تور بېكىتى ياكى dohturlar.com دىن ئېلىنغانلىقىنى ۋەيا بىز ئەسكەرتكەن مەزمۇننىڭ ئەسلى مەنبەسىنى ئەسكەرتىپ قويۇشىڭىزنى چىن دىلىمىزدىن ئۈمىد قىلىمىز. ئەمگەك مېۋىسىگە ھۆرمەت قىلىڭ.

نۇر دوختۇر Doctor Nur
نۇر دوختۇر Doctor Nurhttp://dohturlar.com
تەن ساقلىق، زور بايلىق. دوختۇرلۇق مېنىڭ كەسپىم، تور بەت لايىھەلەش مېنىڭ قىزىقىشىم، بۇ ئىككىسىنى بىرلەشتۈرۈپ خەلقىم ئۈچۈن بىراز ئىش قىلىپ بېرەلىسەملا مېنىڭ ئەڭ چوڭ خوشاللىقىم بولىدۇ!

مۇناسىۋەتلىك تېمىلار

قالدۇرۇلغان باھالار

سۆز قالدۇرۇش

Please enter your comment!
Please enter your name here

سوتسىيال تاراتقۇلىرىمىز

1,659FansLike
697FollowersFollow
1,860SubscribersSubscribe

يېڭى مەزمونلار

مەخسۇس سەھىپىلەر