10 ياشتىن بۇرۇنقى يېمەكلىك ئادىتى بالىلارنىڭئۆمۈرلۈك سالامەتلىكىگە مۇناسىۋەتلىك بولۇپ ، ئاتا – ئانىلار چوقۇم تۆۋەندىكى يېمەكلىكلەرنى بالىلىرىغائىستېمال قىلدۇرۇشتىن ساقلىنىش كېرەك
1. بوۋاق ئۈچ ئايلىق بولغۇچە ، تەركىبىدە تۇز بار يېمەكلىكنى بەرمەسلىك . ئۈچ ئايلىق ئىچىدىكى بوۋاق ئانا سۈتى ياكى سۈت تەركىبىدىكى تۇزنى ئىستېمال قىلسا يېتەرلىك بولىدۇ . ئۈچ ئايلىقتىن يۇقىرى بوۋاقنىڭ بۆرەك ئىقتىدارى تەدرىجىي مۇكەممەللىشىشكە باشلايدىغانلىقى ئۈچۈن ، ئۈچ ئايلىقتىن يۇقىرى بوۋاق مۇۋاپىق مىقداردا تۇز ئىستېمال قىلسا بولىدۇ .
2. بىر ياشتىن تۆۋەن بالىلارغا ھەسەل بەرمەسلىك . بىر ياشتىن تۆۋەن بالىلارنىڭ ئۈچىيىدىكى نورمال باكتېرىيە توپى تېخى تولۇق يېتىلىپ بولالمىغاچقا ، ھەسەل يېگەندىن كېيىن كۆڭلى ئېلىشىش ، ئىچى سۈرۈش ئالامەتلىرى كۆرۈلىدۇ . بالىلار بىر ياشقا توشقاندىن كېيىن ، بالىلارنىڭ ئۈچىيىدىكى باكتېرىيە توپى يېتىلىدۇ ، بۇ چاغدا بالىلارغا ھەسەل يېگۈزسە بولىدۇ .
3. ئۈچ ياشتىن تۆۋەن بالىلارغا چاي ئىچكۈزمەسلىك . چاي تەركىبىدە زور مىقداردا تاننىك كىسلاتا بولۇپ ، ئادەم بەدىنىنىڭ يېمەكلىك تەركىبىدىكى ئاقسىل ، مېنېرال ماددىلارنىڭ سۈمۈرۈلۈشىگە توسقۇنلۇق قىلىپ ، نورمال ئۆسۈپ يېتىلىشكە تەسىر قىلىدۇ .
4. بەش ياشتىن تۆۋەن بالىلارغا قۇۋۋەت تولۇقلاش مەھسۇلاتلىرىنى يېگۈزمەسلىك كېرەك . بەش ياشتىن ئىلگىرىكى مەزگىل بالىلارنىڭ ئۆسۈپ يېتىلىشىدىكى ھالقىلىق مەزگىل بولۇپ ، قۇۋۋەت تولۇقلاش مەھسۇلاتلىرىنىڭ تەركىبىدە نۇرغۇن ھورمون ياكى ھورمونغا ئوخشىشىپ كېتىدىغان ماددىلار بار ، بۇ بالىلارنىڭ بويىنى پاكار قىلىپ قويۇش ياكى بالىلاردا بالدۇر يېتىلىپ كېتىشنى كەلتۈرۈپ چىقىرىشى مۇمكىن .
5. 10 ياشتىن تۆۋەن بالىلارغا چىلىغان سەيلەرنى يېگۈزمەسلىك كېرەك . چىلانغان مەھسۇلاتلارنىڭ تەركىبىدىكى تۇز مىقدارى بەك يۇقىرى بولۇپ ، زور مىقداردىكى راك پەيدا قىلغۇچى ماددا نىترىتلار بار . تەتقىقات نەتىجىسىدە كۆرسىتىلىشىچە ، 10 ياشتىن بۇرۇن چىلانغان مەھسۇلاتلارنى يېيىشكە باشلىغان بالىلارنىڭ قۇرامىغا يەتكەندىن كېيىن ، راك كېسىلى بولۇپ قېلىش نىسبىتى ئادەتتىكى كىشلەردىن ئۈچ ھەسسە يۇقىرى بولىدىكەن .
