توۋتياۋ تورى خەۋىرى، نۇر تورى تەرجىمىسى:
قېرىش نۇرغۇن كىشىلەر يۈزلىنىشنى خالىمايدىغان بىر ئىش، شۇنداقلا كىشىلەر يۈزلىنىشكە مەجبۇر بولىدىغان بىر ئىش. بولۇپمۇ ياشىنىپ قالغانلىقىغا تەن بەرمىگەن كىشىلەر ئۈچۈن ئېيتقاندىمۇ بەدەن ئىقتىدارى ھامان چېكىنىپ كېتىدۇ. ئۇنداقتا ئادەم قانچە ياشقا كىرگەندە ئاندىن قېرىغان ھىساپلىنىدۇ؟
بەزىلەر 60 ياشقا كىرگەن بولسىمۇ، ئۆزىنى قېرى دىمەيدۇ. لېكىن بەزىلەر 50 ياشقا كىرگەندە، ئۆزىنى قېرىپ كەتتىم دەيدۇ. ئەمەلىيەتتە كۆپچىلىكنىڭ بۇنمى تالاش-تارتىش قىلىشىنىڭ ھاجىتى يوق، دۇنيا سەھىيە تەشكىلاتىدا ياشانغانلارغا بېرىلگەن تەبىر بار، ئۇلار 60 ياشتىن ئاشقانلارنى ھەقىقىي ياشانغانلار دەپ ئاتايدۇ.
بۇ ياشتىن باشقا ئادەمگە ھەقىقى قېرىلىق يېتىشتىن ئىلگىرى بەدەننىڭ بىر قانچە جايىدا يەنە چېكىنىش يۈز بېرىدۇ. ئەگەر سىزدە بۇ ئالامەتلەر بولسا، ئەمدى قېرىغانغا تەن بېرىڭ.
1. چاچ
چاچ ئىنتايىن روشەن بىر ئالاھىدىلىك، ئادەم ياش ۋاقتىدا چېچى ئىنتايىن قويۇق ھەم قارا رەڭدە بولىدۇ. ئەمما، ياشنىڭ چوڭىيىشىغا ئەگىشىپ، چاچمۇ ئۆزگىرىدۇ، باش تېرىسىدىكى قارا رەڭلىك دانچە قارا پىگمېنت شەكىللەندۈرەلمىگەندە، ئاستا-ئاستا ئاق چاچ پەيدا بولىدۇ.
شۇڭا، ئەگەر 60 ياشتىن ئاشقاندا چېچىڭىز ئاقىرىپ كەتسە بۇ نورمال ئەھۋال. لېكىن سىز 60 ياشقا كىرمەيلا چېچىڭىز ئاقىرىپ كەتسە، دىققەت قىلىشىڭىز كېرەك.
ئاق چاچنى شەكىللەندۈرىدىغان سەۋەبلەر ناھايىتى كۆپ، ئىرسىيەت ئامىلى، يېمەك-ئىچمەك ئامىلى، پىسخىكا ئامىلى قاتارلىقلار تەسىر كۆرسىتىشى مۇمكىن.
2. پۇت
ياش ۋاقتىدا، ھەممە ئادەم ئىنتايىن ھاياتىي كۈچكە تولغان بولىدۇ. بەدەننىڭ جانلىقلىقىمۇ ناھايىتى ياخشى بولىدۇ، ئەمما ئادەم قېرىغاندىن كېيىن، بىر تەرەپتىن كالتسىيغا بولغان ئېھتىياج ئېشىپ بارىدۇ، يەنە بىر تەرەپتىن بولسا بەدەندىكى كالتسىينىڭ تەركىبى ئېقىپ كېتىپ، سۆڭەكنىڭ ساغلاملىقىغا تەسىر يەتكۈزۈشى مۇمكىن. بۇنىڭ بىلەن ئادەم بەدىنىنىڭ ئىقتىدارى تۆۋەنلەپ بارىدۇ، پۇتنىڭ جانلىقلىقىمۇ ئىلگىرىكىدەك بولمايدۇ.
3. كۆزنىڭ كۆرۈش قۇۋۋىتى تۆۋەنلەش
ئەگەر جەمەتىڭىزدە يىراقنى كۆرەلمەيدىغان ئادەم بولمىسا، كېيىن كۆزىڭىزنىڭ ساغلاملىقىغا دىققەت قىلسىڭىز، كۆرۈش قۇۋۋىتىڭىزنى ياخشى كونترول قىلغىلى بولىدۇ. ئەمما، ياشنىڭ كۈندىن-كۈنگە چوڭيىشىغا ئەگىشىپ كۆرۈش قۇۋۋىتىدىمۇ ئۆزگىرىش بولىدۇ.
بارا-بارا كۆز تورلىشىش ئەھۋالى كۆرۈلىدۇ، بۇ ۋاقىتتا سىز كۆز تورلىشىش كۆزئەينىكىگە ئېھتىياجلىق بولىسىز. بۇنداق ئەھۋال سىزنىڭ بەدىنىڭىزنىڭ قېرىشقا باشلىغانلىقىنى چۈشەندۈرىدۇ.
4. قۇلاقنىڭ ئاڭلاش ئىقتىدارى تۆۋەنلەش
قېرىغاندىن كېيىن، سىز بەزىدە ياشلار گەپ قىلغاندا ئېنىق ئاڭلىيالمايدىغانلىقىڭىزنى ياكى زادىلا ئاڭلىيالمايدىغانلىقىڭىزنى بايقايسىز، ئەگەر گەپ قىلغاندىكى ئاۋاز تۆۋەن بولمىسا، ئاڭلاش ئىقتىدارىڭىزدا تۆۋەنلەش ئەھۋالى كۆرۈلگەن بولىدۇ.
5. ئاشقازان-ئۈچەيدە ئۆزگىرىش بولۇش
قېرىغاندىن كېيىن، ئاشقازان-ئۈچەي ئىقتىدارىدىمۇ ئۆزگىرىش بولىدۇ. ئاشقازان-ئۈچەينىڭ لۆمۈلدىشى ئاستا بولۇش ئوتتۇرا ياش ۋە ياشانغانلاردا قەۋزىيەت پەيدا بولۇشىدىكى سەۋەبلەرنىڭ بىرى، ئەگەر بۇ خىل ئەھۋال كۆرۈلسە، ئاشقازان-ئۈچەينى ياخشى تەڭشەش كېرەك. يېمەك-ئىچمەككە بىر قىسىم قارا ئاشلىقلارنى قوشۇش كېرەك، بۇنداق قىلغاندا بەدەنگە ئوزۇقلۇق قوشۇپلا قالماي، يەنە ئاشقازان-ئۈچەينىڭ ساغلاملىقىنى قوغداپ، ئاشقازان-ئۈچەينىڭ قېرىش قەدىمىنى ئاستىلاتقىلى بولىدۇ.
مەنبە:
https://m.nur.cn/news/2024/08/6502630.shtml
