ئامېرىكا تىببى ئىلىم مۇتەخەسسىسلىرى ئوزۇن يىل تەتقىق قىلىش ئارقىلىق ئايالىنىڭ چىرايى ئېرىنىڭ مىجەز خاراكتىرى ۋە ئۇنىڭغا تۇتقان پوزىتسىيىسى بىلەن زىچ مۇناسىۋەتلىك بولىدىغانلىقىنى بايقىغان. مۇتەخەسسىسلەر مۇنداق دەپ قارىغان؛
1. ئوچۇق يورۇق ، ئاسان ئاچچىقلانمايدىغان ئەرلەر كۆپ ﮬاللاردا ئايالىغا يول قويىدۇ، بۇنداق ئەرلەرنىڭ ئاياللىرى مەيلى ئائىلىدە بولسۇن ياكى سىرتتا بولسۇن ئەركىن بولىدۇ. شۇڭلاشقا ئوچۇق يورۇق ،ئاسان ئاچچىقلانمايدىغان ئەرنىڭ ئايالىنىڭ تېرىسى ناﮬايىتى سىلىق، يۇمران بولىدۇ، چىرايى دائىم نۇرلۇق كۆرۈنىدۇ.
2.ئىچ مىجەز ، گېپى ئاز، ئىچى تار ئەرلەر كۆپىنچە ﮬاللاردا ئايالىغا ئانچە كۆڭۈل بۆلۈپ كەتمەيدۇ، كۆيۈنمەيدۇ، بۇنداق ئەرلەرنىڭ ئاياللىرى دائىم غەمكىن يۈرىدۇ. چۈشكۈن، غەمكىن بۇ ئاياللارنىڭ تېرىسى يىرىك، داغ كۆپ بولۇپ، چىرايى خۇنۈك كۆرۈنىدۇ.
3.قوپال، مىجەزى ئوسال، كۆيۈمسىز ، كۈنلەمچى، دائىم ئايالىنى ئەيىپلەپ، تىللايدىغان ئەرنىڭ ئايالىنىڭ تېرىسىگە دائىم سېرىق، كۈلرەڭ داغلار چۈشىدۇ، تېرىسى نۇرسىز بولىدۇ. بۇنداق ئاياللار ئاسان قېرىيدۇ. چېچى بالدۇرلا ئاقىرىشقا باشلايدۇ.
4. تالاغا قارايدىغان، دائىم ئۆيىگە قايتمايدىغان ، ئەمما ئۆيگە قايتقاندا ئايالىنىڭ كۆڭلىنى ئېلىۋالالايدىغان ، ئاممىۋى سورۇنلاردا باشقىلارغا ئايالى بىلەن ناﮬايىتى ئىناق تەسىر بېرىدىغان ئەرلەرنىڭ ئاياللىرىنىڭ تېرىسى ، يۈز مۇسكۇلى ئاسان بوشاپ كېتىدۇ. كۆز ئەتراپىغا ئاسان قورۇق چۈشىدۇ، سالامەتلىكىمۇ ناچارراق بولىدۇ. ئۇلار تېز ئورۇقلاپ ئاسانلا قېرىپ كېتىدۇ.
شىنجاڭ ئىقتىساد گېزىتىدىن.