توۋتياۋ تورى خەۋىرى, نۇر تورى تەرجىمىسى:
تۆۋەندىكى تۆت خىل مېۋە راك ھۈجەيرىلىرىنىڭ «كۈشەندىسى» بولۇپ, ئادەتتە كۆپرەك يەپ بېرىش كېرەك.
1. مايمۇن شاپتۇلى
مايمۇن شاپتۇلىنىڭ تەمى ئالاھىدە بولۇپ, تەركىبىدە مول ۋىتامىن C بار. دائىم مايمۇن شاپتۇلى يەپ بەرگەندە, بەدەندىكى زىيانلىق ماددىلارنىڭ ھاسىل بولۇشىنى توسۇپ, راكقا قارشى تۇرۇش رولىنى ئوينايدۇ.
مايمۇن شاپتۇلى تەركىبىدىكى گلۇتاتىئون ئورگانىزمدىكى بىر قىسىم راكقا ئۆزگەرگەن گېنلارنىڭ توساتتىن ئۆزگىرىشىنى تىزگىنلەشكە پايدىلىق بولۇپ, بىر قىسىم ئۆپكە راكى, جىگەر راكى كېسەللىكلىرىگە قارىتا بەلگىلىك ئالدىنى ئېلىش رولىنى ئوينايدۇ.
2. نەشپۈت
ئادەتتە نەشپۈتنى كۆپ يەپ بەرسە, يۆتەلنى پەسەيتىش, بەلغەمنى بوشىتىش رولىنى ئوينايدۇ, پەسىل ئالماشقاندا ياكى قىش پەسلىدە بەدەننىڭ ئىممۇنىتېت كۈچى تۆۋەنلەپ, سوغۇق شامالنىڭ غىدىقلىشى ياكى باكتېرىيە, ۋىرۇسلارنىڭ ھۇجۇمىغا ئۇچراپ, زۇكام, قىزىش, يۆتىلىش قاتارلىق كېسەللىكلەرنى كەلتۈرۈپ چىقىرىدۇ. شۇڭا يۆتەلگەندە, ئادەتتە نەشپۈت يەپ بەرسە, كېسەللىك ئالامەتلىرىنى پەسەيتكىلى بولىدۇ. نەشپۈت تەركىبىدە ۋىتامىن ۋە كاروتىن قاتارلىق كۆپ خىل ئوزۇقلۇق ماددىلار مول بولۇپ, راكنىڭ ئالدىنى ئېلىش, راكقا قارشى تۇرۇش رولىنى ئوينايدۇ.
3. ئۈزۈم
ئۈزۈمنىڭ سىرتقى كۆرۈنىشى ناھايىتى چىرايلىق بولۇپ, نۇرغۇن كىشىلەر ئۇرۇق-تۇغقان ياكى دوستلىرىنى يوقلاپ بارغاندا ئۈزۈم سېتىۋالىدۇ, تەكشۈرۈش نەتىجىسىدە كۆرسىتىلىشىچە, ئۈزۈمدە بەلگىلىك سىئانىدىن بار بولۇپ, ئوكسىدلىنىشقا قارشى تۇرۇش رولى باركەن ھەم بەدەندىكى ئارتۇقچە ئەركىن رادىكاللارنى تازىلاپ, بەدەنگە تېخىمۇ كۆپ ئوزۇقلۇق ماددىلارنى تولۇقلاشقا پايدىلىق ئىكەن.
ئۇنىڭدىن باشقا دائىم ئۈزۈم يەپ بەرسە, بەدەندىكى ئارتۇقچە ماي تەركىبىنى يوقىتىپ, قاندىكى ماينى تۇراقلاشتۇرۇپ, يۈرەك, مېڭە قان تومۇر كېسەللىكلىرىنىڭ ۋە راكنىڭ ئالدىنى ئالغىلى شۇنداقلا راكقا قارشى تۇرغىلى بولىدۇكەن.
4. ئۆرۈك
نۇرغۇن كىشىلەر ئۆرۈك يېسە ئاسانلا ئىسسىقى ئېشىپ كېتىدۇ, دەيدۇ, لېكىن راك كېسىلىگە گىرىپتار بولغان بىر قىسىم كىشىلەر دائىم ئۆرۈك يەپ بەرسە, راك ھۈجەيرىلىرىگە نىسبەتەن مىكروب ئۆلتۈرۈش ئۈنۈمىگە ئىگە, ئۆرۈك تەركىبىدە مول ۋىتامىن B ۋە ۋىتامىن B17 قاتارلىق كۆپ خىل ئوزۇقلۇق ماددىلار بار بولۇپ, ھەممىسىنىڭ راكقا قارشى تۇرۇش رولى بار, شۇڭا ئادەتتىكى ۋاقىتلاردىمۇ ئۆرۈكنى كۆپرەك ئىستېمال قىلىش كېرەك.
