1. توخۇنىڭ تۇخۇمىنى ھەر قېتىمدا بىرتالدىن كۈنىگە ئىككى _ ئۈچ قېتىم ئاچچىقسۇدا قاينىتىپ پىشۇرۇپ يېسە، زىققا كېسىلىگە مەنپەئەت قىلىدۇ.
2. 15 گرام ئۆرۈك مېغىزى ۋە 30 گرام ياڭاق مېغىزىنى مۇۋاپىق زەنجىۋىل سۈيىدە مېغىز ئېزىلگىچە قاينىتىپ، ھەسەلدىن مۇۋاپىق قۇيۇپ، دۇملەپ پىشۇرۇپ يېسە، زىققا كېسىلىگە، ماغدۇرسىزلىققا شىپا بولىدۇ.
3. 30 گرام جىنكىۋىزى60 گرام ياڭاق مېغىزىنى سۇدا قاينىتىپ، ئىككىگە بۆلۈپ ئىسسىقىدا ئىچسە بولىدۇ. بۇ ئۇزۇنغىچە ساقايمىغان زىققە كېسىلى ۋە ماغدۇرسىزلىققا شىپا بولىدۇ.
4. 20 تال چىلان، 500 گرام يېڭى كاۋىغا قارا شېكەر ئارىلاشتۇرۇپ، سۇدىن مۇۋاپىق قۇيۇپ چىلان ئېزىلگىچە قاينىتىپ ئىستېمال قىلسا، كانايچە زىققى كېسىلىگە شىپا بولىدۇ.
5. يۇمران ئاغىچە يۇغۇچنى ئۇششاق توغراپ قاينىتىپ ئىچسە بولىدۇ.
6. كېسەل قوزغالغاندا، ئاغىچە يۇغۇچ پەلىكىنىڭ سۈيىنى كۈندە ئۈچ قېتىمدىن ئۇدا يەتتە كۈن ئىچىپ بەرسە بولىدۇ.
7. 120 گىرام دۇفۇ، 15 گرام ئۆرۈك مېغىزى، 10 گرام چاكاندىنى قاينىتىپ، دورىنىڭ تىرپىسىنى سۈزىۋەتكەندىن كېيىن، ئىككىگە بۆلۈپ دۇفۇسىنى يەپ، سۇيىنى ئىچىپ بەرسە، كانايچە زىققى كېسىلىگە مەنپەئەت قىلىدۇ.
8. 30 گىرام ئاپتاپپەرەس تاۋىقى بىلەن 15 گرام قۇم شېكەرنى سۇدا قاينىتىپ، كۈنىگە ئىككى قېتىمدىن ئىچىپ بېرىش كېرەك. ئۇزۇن مۇددەت داۋاملاشتۇرسا، كانايچە زىققى كېسىلىگە ئوبدان مەنپەئەت قىلىدۇ.
9. نەچچە ئون تال سازاڭنى پاكىز يۇيۇپ توغراپ، بوش ئوتتا قورۇپ ساغارتىپ، تالقانلاپ، ھەر قېتىمدا ئىككى گرامدىن ھەر كۈنى ئىككى قېتىم ئىلمان سۇ بىلەن ئىچىپ بەرسە، كانايچە زىققى كېسىلىگە شىپا بولىدۇ.
10. چوڭ ئاپلىسىن پوستىنىڭ ئىچىدىكى ئاق ئېتىنى سويۇۋېتىپ، پاكىز يۇيۇپ توغراپ، ھەسەلدىن مۇۋاپىق قۇيۇپ، قاسقاندا دۇملەپ ئېزىلگىچە پىشۇرغاندىن كېيىن، سېرىق ھاراقتىن ئازراق قۇيۇپ، ھەر قېتىمدا بىر قوشۇقتىن كۈنىگە ئىككى قېتىم ئىستېمال قىلىپ بەرسە، ياشانغانلارنىڭ زىققى كېسىلىگە شىپا بولىدۇ
